Shymkent qalasynda kópbalaly ana kezekten tys páter ala almaǵanyna yzalanyp, óziniń balalaryn ákimshilik ǵımaratyna qaldyryp ketken dep jazady Qamshy.kz aqparat agenttigi.

Bes jáne jeti jastaǵy balalar quqyq qorǵaý organy ókilderi olardyń anasymen túsindirý jumystaryn júrgizip bolǵansha, Abaı aýdanynyń ákimshilik ǵımaratynda boldy. 40 jastaǵy jalǵyzbasty áıel kámelet jasyna tolmaǵan tórt balasymen jaldamaly páterde turady eken.

Osy sebepti de jalǵyzbasty ári kópbalaly ana ákimshilikten kezekten tys páter berýdi talap etýge bel býǵan.

«Kópbalaly ana memleketten ataýly áleýmettik kómek alady. Demek, aı saıyn tórt balasynyń árbiri úshin 21 teńge tólenýde. Ol qolyna túsken qarajattyń kóp bóligi jaldamaly páterdiń aqysyn tóleýge ketetinin aıtty. Biz oǵan turǵyn úı ınspeksıasyna baryp kezekke turýǵa keńes berdik.

Artynsha ol kezekten tys páter berýdi talap ete bastady. «Onda ózderiń qamtamasyz etip alyńdar» dep balalaryn tastap, shyǵyp ketti.

Aýdandyq polısıa bóliminde ákimdik qyzmetkerleri áıelmen túsindirý jumystaryn júrgizdi. Nátıjesinde ol qaıta kelip, balalaryn alyp ketti», - deıdi Abaı aýdanynyń ákimi Buharbaı Parmanov.