Búgin Soltústik jáne Ońtústik Koreıany qosqanda jeti elge baratyn halyqaralyq avtosherý Atyraý qalasyna kelip jetti dep habarlaıdy Qamshy.kz aqparat agenttigi Atyraý oblysynyń Óńirlik komýnıkasıalar qyzmetine silteme jasap.

Halyqaralyq avtosherý "Reseı halyqtarynyń Assambleıasy" jáne jalpyreseılik qoǵamdyq uıymdardyń uıymdastyrýymen Máskeý qalasynan bastaý alǵan bolatyn.

Bul sherý Máskeý – Tashkent – Nursultan – Ulan–Bator-Phenán – Pekın – Seýl – Máskeý baǵyty boıynsha júredi. Avtosherýdiń negizgi maqsaty eldiń halyqtarynyń birligin nyǵaıtyp, halyqaralyq baılanysty nyǵaıtý. Búgin sol avtosherýdiń qatysýshylarymen Atyraýda kezdesý ótti. Kezdesýde Atyraý qalasy ákiminiń orynbasary Ulyqbek Tnalıev qatysýshylarǵa óńirimizge kelgenderi úshin alǵysyn aıtyp,rızashylyǵyn bildirdi.

"Búgingi halyqaralyq avtosherýge qatysýshalar bizdiń óńirge qosh keldińizder. Atyraý oblysy elimizdiń munaıly astanasy. Elimizde ár túrli eldiń halqy beıbit ómir súrip keledi. Búgingi avtosherýdiń maqsaty da elderdiń ara-qatynasyn nyǵaıtý jáne halyqaralyq baılanystardy arttyrý. Aldaǵy avtosherýde joldaryńyz bolsyn",- deıdi Ulyqbek Tnalıev.

Avtosherýge qatysýshy "Edınstvo" jýrnalynyń bas redaktory Aleksandr Shın ystyq yqylaspen kútip alǵan Atyraý jurtshylyǵyna óz alǵysyn bildirdi.

"Avtosherýge qatysý men úshin úlken mártebe. Ońaı emes, degenmen ár túrli qyzyqtar basymyzdan ótip jatyr. Atyraý óńirine kelip jatyrmyz. Kútip alǵandaryńyz úshin raqmetimizdi aıtamyz dedi",- Aleksandr Shın.

Aıta keteıik, avtosherý 9 shilde kúni Máskeý qalasynan bastaý alǵan bolatyn. 10 avtokólikpen 30 myń shaqyrymdy baǵyndyratyn bolady.