16 shildede Atyraý oblysynyń ákimi Nurlan Noǵaev aımaq aktıvinde memlekettik satyp alý basqarmasynyń jańa basshysyn tanystyrdy, dep habarlaıdy Óńirlik komýnıkasıalar qyzmeti.
"Baımaǵambetova Almagúl Tólegenqyzy ótinishine sáıkes oblystyq memlekettik satyp alý basqarmasynyń basshysy laýazymynan bosatyldy. Laýazymyn atqarǵan ýaqytta basqarma aldyna qoıylǵan mindetterdi jaýapkershilikpen atqaryp, ózin kásibı bilikti jetekshi retinde kórsetti. Rızashylyǵymdy bildiremin",- deıdi Nurlan Noǵaev.
Oblys ákiminiń buıryǵymen basqarmaǵa jańa basshy bolyp Jubanalıeva Áıgerim Sháripqyzy taǵaıyndaldy.
Áıgerim Jubanalıeva 2010 jyly Jáńgir han atyndaǵy Batys Qazaqstan agrarly-tehnıkalyq ýnıversıtetin bitirgen. Mamandyǵy-qurylys bakalavry.
2010-2013 j. – qurylys bóliminiń statıs qyzmetinde, sáýlet bóliminiń maman qyzmetinde,sondaı-aq, Batys Qazaqstan oblysy Shyńǵyrlaý aýdandynda qala qurylysy jáne qurylys bólimi jetekshi maman boldy.
2013-2015 j. - bas maman, BQO qurylys basqarmasy smetalyq-kelisim shart jáne memlekettik satyp alý bóliminde jumys atqardy.
2015-2016 jj– BQO memlekettik satyp alý basqarmasy basshysynyń orynbasary.
2016 jyldan bastap Atyraý oblystyq memlekettik satyp alý basqarmasynda jumys istedi. Monıtorıń jáne memlekettik satyp alý bóliminiń basshysynan bastap basqarma basshysynyń orynbasaryna deıin qyzmet atqardy.
Aktıvte oblys ákimi taǵy bir kadrlyq ózgerister týraly aıtty.
"Atyraý oblysy ákimi apparatynyń basshysy Baspaev Ernar Jeńisuly basqa jumysqa aýysýyna baılanysty laýazymynan bosatyldy. Ol QR Prezıdent Ákimshiligine memlekettik ınspektor bolyp taǵaıyndaldy",- dedi Nurlan Noǵaev.
Aımaq basshysy 2013 jyldan bastap oblys ákimi apparatynyń basshysy qyzmetin atqarǵan Ernar Baspaevtyń kásibı biliktiligin atap ótti.
"Ol memlekettik qyzmettegi mańyzdy ýchaskelerde jumysty uıymdastyra bilgen, tájirıbeli basshy retinde ózin kórsetti. Memleket basshysy qoıǵan mindetterdi oryndaýda ákimdik apparatynyń jumysyn úılestire bildi",-dedi Nurlan Noǵaev.
