16 shildedegi málimet boıynsha, Arys qalasynda 1172 úı qalpyna keltirildi Qamshy.kz aqparat agenttigi QR Premer-mınıstriniń saıtyna silteme jasap. Qurylys jumystary taǵy 4504 jeke turǵyn úı qurylysy men kópqabatty turǵyn úı nysandarynda júrgizilýde.

QR Indýstrıa jáne ınfraqurylymdyq damý mınıstrliginiń málimetinshe, qalany qalpyna keltirýge tartylǵan qurylysshylar sany 6159 myńnan asty. Qaladaǵy 17 sektorda jalpy sany 197 qurylys kompanıasy, 250 tehnıka jumys jasaýda.

Sondaı-aq 62 áleýmettik nysanda jóndeýge 1746 qurylysshy tartylǵan.

QR IIDM vıse-mınıstri Qaıyrbek Óskenbaevtyń jetekshiligimen úılerdiń monıtorıńi men qurylys barysyn baqylaý kún saıyn júrgiziledi.

Elbasy men Memleket basshysynyń tapsyrmasy boıynsha barlyq búlingen jáne buzylǵan nysandar 2019 jyldyń 1 tamyzyna deıin tapsyrylýy tıis.