Belgili bıznesmen Qaırat Boranbaev aqyly avtoturaqtardy basqaratyn «Almaty Spestehparkıng servıs» kompanıasynyń 70 paıyzdyq úlesin ıelendi, forbes.kz.

«Almaty Spestehparkıng servıs» JSHS-niń qalǵan 30 paıyzdyq úlesi Almaty qalasy ákimdigine tıesili.

Qaırat Boranbaev McDonald’s Qazaqstan, Reseı, Belarýs franchaızıńileriniń, mıneraldyq sýsyn óndiretin «Aleks» JSHS-niń, «Rahat Palas», Comfort Hotel Astana qonaq úıleriniń, Fitnation fıtnes klýbtary jelisiniń ıesi. Sondaı-aq Esentai Mall, Esentai Tower saýda úıleri aksıalarynyń jartysyna ıelik etedi. Boranbaev – ulttyq paralımpıada komıtetiniń prezıdenti, «Qaırat» fýtbol klýby baqylaý keńesiniń tóraǵasy. «Qazaqstan gólf federasıasy» respýblıkalyq qoǵamdyq birlestiginiń teń quryltaıshysy. Qazaqstannyń 50 baı bıznesmenderi tiziminde 13-orynǵa, 50 yqpaldy bıznesmenderi tiziminde 10-orynǵa jaıǵasqan. Onyń baılyǵy búginde $445 mln-ǵa baǵalanyp otyr.