QR Premer-Mınıstri Asqar Mamın a.j. 17-18 shilde aralyǵynda Atyraý oblysyna jumys sapary barysynda munaıgaz salasy kásiporyndaryn aralap, jańa ónerkásiptik nysandardyń salyný barysymen tanysty jáne jergilikti qamtýdy, munaıgaz mashınajasaýdy damytý jáne QR eńbek zańnamasyn saqtaý máseleleri boıynsha keńes ótkizdi dep jazady Qamshy.kz aqparat agenttigi.

QR Úkimetiniń basshysy salynyp jatqan «Teńiz» ken orny úshinshi býyn zaýytyna bardy, ol «Teńizshevroıl» JSHS júzege asyryp jatqan Bolashaq keńeıtý jobasy aıasynda salynyp jatyr.

Zaýytta jalpy qurylysy jumystary, jerasty komýnıkasıalaryn júrgizý, rezervýarlar montajy júrgizilip jatyr, 23 qurastyrmaly modýldik estakadalar ornatylǵan. Eki gaztrýbınaly generator men tehnologıalyq modýldi qurastyrý sátti aıaqtaldy. Zaýyttyń qurylys alańynda 25 merdigerlik jáne qosalqy merdigerlik uıym jumys isteıdi, 3300-ge jýyq adam tartylǵan. Joba 2022 jyly aıaqtalady.

QR Premer-Mınıstri sonymen qatar Qashaǵan ken ornyn jáne munaı óndirilip, ony «Bolashaq» zaýytyna qubyr jelisi boıynsha odan ári tasymaldaýmen birini rettik seperasıa júrgiziletin jasandy aralyn ushýmen aralady.

Atyraý oblysyna jumys sapary aıasynda QR Úkimetiniń basshysy jergilikti qamtýdy damytý, munaıgaz mashına jasaý, QR eńbek zańnamasyn saqtaý máseleleri boıynsha keńes ótkizdi.

Asqar Mamın iri jobalar operatorlarynyń satyp alýlarynda jergilikti qamtý úlesi ósimdi baıqatyp otyrǵanyn atap ótti, biraq, qazaqstandyq mashınajasaýshylardyń ónimderi damytý tolyqqandy paıdalanylmaı otyr.

«Bul jaǵdaı pármendi sharalardy, onyń ishinde jobalar operatorlary tarapynan da qabyldaýdy talap etedi», - dedi QR Premer-Mınıstri.

Asqar Mamın Úkimettiń Mashınajasaýdy damytýdyń 2019-2024 jyldarǵa arnalǵan Jol kartasyna qabyldaǵanyn aıtty, onda mashınajasaý kásiporyndaryn salyqtyq artyqshylyqtarmen, qarjylyq jáne shıkizattyq qoldaýmen, sondaı-aq bilikti kadrlarmen qamtamasyz etý boıynsha máselelerdi pysyqtaý qarastyrylǵan.

Keńeste sonymen qatar QR eńbek zańnamasynyń saqtalýy máseleleri talqylandy, atap aıtqanda, jer qoınaýyn paıdalanýshylardyń kásiporyndarda jumyskerlerdiń qaýipsiz eńbek jaǵdaılary men turýyn qamtamasyz etý boıynsha merdigerler men qosalqy merdigerlerge qatysty vertıkaldi baqylaýdy engizýi talqylandy.

Sonymen qatar óńirge jumys sapary barysynda QR Premer-Mınıstri «AMÓZ» JSHS munaıdy tereń óńdeý keshenin, «AtyraýMunaıMash», «Ulttyq ındýstrıalyq munaıhımıa tehnoparki» AEA, «Polımer Prodakshn», «Kazakhstan Petrochemical Industries Inc.», «Karabatan Utility Solutions», «Bolashaq» munaı jáne gaz óńdeý zaýytyn, «Shevron Munaıgaz Ink.», túrli markaly optıkalyq kabel shyǵaratyn zaýytty aralady.