QR Premer-Mınıstri Asqar Mamın Qoıandy sý qoımasyn tazartý boıynsha «Birge – Taza Qazaqstan» ekologıalyq aksıasyna qatysty dep jazady Qamshy.kz aqparat agenttigi government.kz saıtynyń deregin negizge alyp. 

Ekologıalyq aksıa qatysýshylaryna sózin arnaǵan QR Úkimetiniń basshysy barlyq óńirlerdiń ákimderin, ekologıalyq belsendilerdi, jastar uıymdary men eriktilerdi osy bastamany qoldaýǵa shaqyrdy.

«Men bul aksıanyń keńinen taralatynyna, jalpyrespýblıkalyq sharaǵa aınalatynyna jáne azamattar arasynda qoldaýǵa ıe bolatynyna senemin. «Birge – Taza Qazaqstan» aksıasy elimizdegi ekologıalyq jaǵdaıdy jaqsartýǵa múmkindik beredi», — dedi Asqar Mamın.

Aksıaǵa 1200-den astam adam qatysty. Olardyń ishinde QR Úkimetiniń músheleri, Nur-Sultan qalasynyń ákimi, Aqmola oblysynyń ákimi, memlekettik jáne qoǵamdyq uıymdardyń, dıplomatıalyq korpýstyń, jergilikti atqarýshy organdardyń ókilderi, stýdentter, eriktiler bar.