Qazaq halqy ejelden baýyrmal, qonaqjaı, jomart halyq ekeni barshamyzǵa málim. Ásirese, el ishinde halqynyń jaǵdaıyn oılap júretin jomart azamattar jeterlik. Ondaı azamattar ózderinen artylǵanyn janyndaǵylarǵa berip, jomarttyǵyn eshqashanda  mindetsinbegen. Jambyl oblysynyń Shý aýdanynda da «alǵandy emes bergendi» jón kóretin jomart júrekti azamattar jetip artylady.

Jýyrda ǵana Shý aýdanynyń ákimi Jarylqasyn Aıtaqov týǵan jeriniń túrlenýine barynsha úles qosyp júrgen jomart azmattyrdy jınap,  olarǵa respýblıkalyq «Jomart júrek» syılyǵyn saltanatty túrde tapsyrdy. Aýdan basshysy jomarttyq tanytqany úshin marapataǵandardyń arasynda túrli salanyń ókilderi boldy.  
Atap aıtsaq, týǵan jerinde iri áleýmettik jobalardy iske asyrǵany úshin, az qamtylǵan, kóp balaly januıalarǵa, jalǵyzilikti analarǵa, ata-ananyń qaraýynsyz qalǵan jetim balalarǵa, múgedekterge, zeınetkerlerge qaıtarymsyz kómek kórsetkeni úshin  «Jyl mesenaty» nomınasıasy boıynsha Bolat Saýranbaev marapattaldy. Aıta keteıik, Shý aýdany Belbasar aýylynyń týmasy Bolat Ospanuly Saýranbaev óziniń týǵan aýylyna zamanaýı úlgidegi fýtbol alańyn, záýlim meshit jáne taǵy basqa turǵyndardyń keregine jaraıtyn nysandar salyp bergen. Sondaı-aq, Bolat Saýranbaevtyń demeýshiligimen 2018 jyldan bastap atalǵan aýylda halyqaralyq standartqa saı sport keshini salynyp jatyr.

Al eldi mekenderdi abattandyrýǵa, aleıalardy, eskertkishterdi, balalar oıyn alańdaryn rekonstrýksıalaýǵa jáne salýǵa, densaýlyq saqtaý, mádenıet, bilim berý jáne sport salalaryna demeýshilik kómek kórsetýge baǵyttalǵan áleýmettik jobalardy iske asyrǵany úshin «Týǵan ólke» nomınasıasy boıynsha Saǵadat Nurmaǵambetuly Madalıev marapattaldy. Shý aýdany Balýan Sholaq aýylynyń týmasy Saǵadat Madalıev jýyrda ǵana kóp balaly otbasyna sý jańa úıdiń kiltin tabystaǵan.

Sondaı-aq, aýdan ákimi jarylqasyn Aıtaqov belsendi azamattyq ustanymy, ártúrli baǵyttaǵy keń aýqymdy qaıyrymdylyq qyzmetti júzege asyrǵany úshin «Jyl tulǵasy» nomınasıasy boıynsha Aıdyn Nıkolaevıch Jortarov marapattady.

Al áleýmettik mańyzy bar jobalar men aksıalardy tıimdi júzege asyrǵany úshin, qaıyrymdylyq kómek berýdiń tıimdi túrlerin engizgeni jáne qoǵamdyq mańyzy bar sharalarǵa  demeýshilik jasaǵany úshin «Jyldyń úzdik uıymy» nomınasıasy boıynsha Serik Ýáshuly Asatov marapattaldy.

Volonterlik qyzmetterge belsendi qatysyp, qoǵamdyq jumystarǵa atsalysqany úshin «Eren eriktilik» nomınasıasy boıynsha Erkin

Bahytjanuly Týlebaev, aýdandyq «Jastar resýrstyq ortalyǵy» KMM-niń mamany Qýat Ermekuly Aqbaev marapattaldy.

Saltantty jıyn sońynda marapttalǵan barsha azamattar úshin aýdan ánshileri ánnen shashý shashty. 

Shymyrbaı Dýlat