Búgin, 22 shildede Azattyq tilshisi Nurgúl Tapaeva men operator Toqmolda Qusaıynovqa belgisiz bireýler shabýyl jasady dep jazady Qamshy.kz aqparat agenttigi Azattyqtyń deregin negizge alyp.

Azattyq tilshileri tańerteńgi saǵat 11-de Almatydaǵy adam quqyqtary men zańdylyqty saqtaý búrosyndaǵy baspasóz jıynyna barǵan. Ǵımarattyń birinshi qabatynda birneshe áıel jýrnalıserge túsirýge kedergi keltirip, mán-jaıdy túsindirmesten shabýyl jasady.

"Jıyn bastalmas buryn jıyrmaǵa jýyq áıel keldi. Olar shý shyǵaryp, baspasóz jıynyna kelgen jýrnalıserdiń kamerasyn, uıaly telefondaryn tartyp alýǵa áreket qyldy. Jıynǵa kelgen ózge de adamdarǵa shabýyl jasady" dedi búro ókili Sergeı Dývanov.

Azattyq tilshileri búgin adam quqyqtary men zańdylyqty saqtaý búrosyndaǵy "Memleket analar jáne balalarmen kúresip otyr" degen taqyrypta ótýi tıis baspasóz jıynyna barǵan. Bul jıyndy uıymdastyrýshylary elde tyıym salynǵan "Qazaqstannyń demokratıalyq tańdaýy" qozǵalysy (Qazaqstan bıligi synaýshy, qazir shetelde turatyn qýǵyndaǵy burynǵy bankır Muhtar Áblázov qurǵan) qyzmetine qatysy bar degen kúdikpen tutqyndalǵan almatylyq kóp balaly ana Oksana Shevchýk pen jalǵyzbasty analar Gúlzıpa Jáýkerova men Jazıra Demeýovanyń ústerinen qozǵalǵan isterdiń mán-jaıyn aıtpaqshy bolǵan.

.