Baǵdarlamaǵa 4 jáne odan da kóp balalary bar kóp balaly otbasylar, kámelettik jasqa tolmaǵan balalary bar tolyq emes otbasylar, múmkindigi shekteýli balalary bar otbasylar qatysa alady dep habarlaıdy Qamshy.kz aqparat agenttigi Atyraý obylsynyń Óńirlik komýnıkasıalar qyzmetine silteme jasap.

Bul týraly ÓKQ-de ótken brıfıńte Atyraý oblysy energetıka jáne turǵyn úı-kommýnaldyq sharýashylyǵy basqarmasynyń basshysy Murat Iǵalıev málimdedi.

"Atalǵan baǵdarlama eń aldymen, az qamtylǵan otbasylardy, ıaǵnı, qazirgi tańda jaldamaly páterlerde, basqa bireýdiń páterinde, ýaqytsha turaqtarda turatyn, bastapqy jarnaǵa aqsha jınaı almaıtyn otbasylardy baspanamen qamtamasyz etý boldy. Sondyqtan da, alǵashqy talap – otbasylar az qamtylǵan bolýy tıis. Otbasynyń bir múshesine kiris 42 500 teńgeden az bolýy kerek. Iaǵnı, eger bizge tek joldasy jumys istep, jary balalar kútimimen aınalysyp, jumys istemeıtin bolsa, onda olardyń tabysy 255 myń teńgeden aspaýy qajet. Osylaısha, bastapqy jarnany jınaýǵa shamalary jetpeı júrgen adamdar birinshi kezekte ótedi",- deıdi Murat Iǵalıev.

Aıta keteıik, Nesıe jylyna 2 paıyzdyq mólsherlememen 19 jylǵa beriledi. Alǵashqy jarna kólemi – 10 paıyz. Atalǵan nesıe aıasynda jańadan salynǵan nemese ekinshi naryqtaǵy daıyn úılerdi satyp alýǵa bolady. Sondaı-aq, jeńildetilgen nesıe alý úshin ótinish berýshiniń jeke basynda jáne onymen birge turatyn otbasy múshelerinde ótinim bergen kezde jeke baspanalary bolmaýy qajet.