Ózbek shekarashylarynyń qazaq azamatyn atyp ketýi kem degende eki nárseni ańǵartatyn sıaqty: 1. Qazaq bıliginiń óz azamattarynyń quqyǵyn, tipti ómirin qorǵaýdaǵy qaýqarsyzdyǵy. Qorǵaý mindetti túrde soǵys ashý, dıplomatıalyq qatynastardy úzý degen sóz emes, árıne. Biraq elshiliktiń, Syrtqy ister mınıstrliginiń biregeı, tabandy pozısıasyn talap etetin oqıǵa. Atylǵan azamattyń artynda týǵan-týysy bar, solarǵa jaǵdaı jasaý, qun óndirý degen de bar. Eń jamany - bizdiń bılik úshin ad
am ómiri shybyn qurly joq. Al shynaıy damyǵan qoǵamnyń, dúnıeden ótken azamattyń jerlesi Ál-Farabı aıtyp ketken "qaıyrymdy qalanyń" basty qundylyǵy adam men onyń ómiri emes pe? Konstıtýsıamyzda badyraıtyp jazylǵan basty qaǵıdat osy emes pe? Elimizdiń áli de bolsa totalıtarsyzdanbaǵanynyń, keńes ıdeologıasy qalyptastyrǵan adamdy tek jansyz tetik, quqy joq qul sanaý ıdeologıasynyń kesiri.
2. Qazaq pen ózbek qarym-qatynastarynyń nasharlaı bastaǵany ma dep qorqamyn. Negizi, baıqap otyrsaq, osyndaı qaqtyǵystar, atys-shabys eki eldiń, dálirek aıtsaq eki el bıliginiń arasy nasharlaı bastalǵanda oryn alyp jatady. Ózbek shekarashylary tártipke baǵynady. Biraq, joǵary jaqtan naqty tapsyrmalar túspese, atsańdar bastaryńdy julamyz degendeı ısharat bolmasa, olar da shekten shyǵa bastaıdy.
Aıdos Sarym, facebook
