Memleket basshysy Qasym-Jomart Toqaev Qorǵanys mınıstri Nurlan Ermekbaevty qabyldady dep jazady Qamshy.kz aqparat agenttigi Aqordaǵa silteme jasap.
Qasym-Jomart Toqaevqa Qazaqstan Qarýly Kúshteriniń áskerı daıyndyq jaǵdaıy, sondaı-aq, Arys qalasyn qalpyna keltirý jumystarynyń barysy týraly málimet berildi. Sonyń ishinde Qazaqstan Prezıdentine qala aýmaǵyndaǵy oq-dári qaldyqtaryn izdeý, tazartý sharalary, sondaı-aq, Arystaǵy áskerı qalashyqty qalpyna keltirý jumystary jóninde baıandaldy. Qorǵanys mınıstriniń aıtýynsha, búginge deıin áskerı qoımalardan úsh myń tonnaǵa jýyq oq-dári qaýipsiz jerlerge shyǵarylǵan.
Qasym-Jomart Toqaev jarylys saldaryn joıý jáne oq-dárilerdi shyǵarý jumystarynyń ýaqtyly atqarylýyn qamtamasyz etýdi, sondaı-aq, qaza bolǵandardy, qutqarý jáne qalpyna keltirý jumystary kezinde erekshe kózge túsken áskerı qyzmetshiler men tıisti qyzmet ókilderin marapattaýdy tapsyrdy.
Sonymen qatar, Memleket basshysyna kezeńderiniń bir bóligi Qazaqstan aýmaǵynda ótetin aldaǵy áskerı oıyndarǵa daıyndyq barysy týraly málimet berildi.
Pikir qaldyrý