QR Ulttyq qaýipsizdik komıteti Almaty, Shymkent jáne Qyzylorda qalalarynda zańsyz qarý satýmen aınalysqan qylmystyq toptardy quryqtady dep habarlaıdy Qamshy.kz aqparat agenttigi QR UQK baspasóz qyzmetine silteme jasap.

Eskertýsiz tekserý júrgizý sharasy kezinde 8 Kalashnıkov avtomaty jáne 2 tapanshany satý faktisi tirkeldi. Bul qarýlar zańdy jolmen tárkilenip alyndy.

2019 jylǵy 18 jáne 19 shildecinde Almaty jáne Shymkent qalalarynda top múshelerin ustaý boıynsha arnaıy operasıa ótkizildi. Olardyń keıbiri destrýktıvti dinı aǵymdardy ustanýshy jáne "qaraqshylar qaýymdastyǵynyń" ókilderimen turaqty baılanysy bar adamdar bolyp tabylady.

Tintý is-sharalary kezinde fıgýranttardyń biriniń turǵylyqty mekenjaıynan qolmen qurastyrýǵa jáne qarýdy qaıta jasaýǵa arnalǵan stanok pen qural-saımandar tabyldy.

Qabyldanǵan sharalar nátıjesinde Qazaqstan Respýblıkasy aýmaǵyna qarý ákeletin kezekti iri arna joıyldy. Ustalǵan adamdar buryn satqan krımınaldyq qarýdy zańsyz aınalymnan alý boıynsha is-sharalar júrgizilýde.