Belgili rejıser Nurtas Adambaı óziniń jelidegi paraqshasynda memleket basshysyna arnap jazba qaldyrdy dep jazady Qamshy.kz aqparat agenttigi

"Qasym—Jomart Kemeluly, siz basqaryp otyrǵan memlekettiń azamaty retinde ózińizge birer aýyz sóz aıtqaly otyrmyn.

İshki ister departamentine ishki tártip kerek! Adamdar qansha ýaqyttan beri polısıa qyzmetkerlerine múlde senbeıdi. Buǵan negiz de joq emes.

Túrmedegi qyzmetkerler tutqyndy baılap tastap qınaıtyn kórinedi. Sypsyń sóz deıin desek, taıǵa tańba basqandaı vıdeo jelide kezip júr.

Osyndaı jazbalardy kórip, azamat retinde, qolynda bıligi bar adam retinde shara qoldanatynyńyzǵa senemin. Memleket azamaty túrmede jatsa da, qıyndyq kórmeýi tıis. Olarǵa da qamqorlyq kerek. Adamshylyq degen bolady.

Adam bir ret jaza bassa, ony qor qylýdyń qajeti shamaly. Sondaı-aq, bizdegi sot júıesiniń ádiletsizdigi nátıjesinde qansha jazyqsyz adam túrmede otyr. Siz muny bilesiz.

Ne sebepti bizdiń elimiz álemdegi ozyq órkenıetten keıindep barady?

Nege İshki ister mınıstri kóptegen shýly jaǵdaılarǵa baılanysty pikir bildirmeıdi?

Nege keı shendiler qylmys jasasa jumysyn qurban etip qana qutylyp júr?"