QR Premer-Mınıstri Asqar Mamınniń tóraǵalyǵymen ótken Úkimet otyrysynda mal sharýashylyǵyn damytý, «Nurly jer» memlekettik baǵdarlamasyn iske asyrý barysy, Nur-Sultan qalasynda jeńil relsti transport jobasynyń qurylysyn jalǵastyrý máseleleri qaraldy dep jazady Qamshy.kz aqparat agenttigi QR premer-mınıstriniń resmı saıtyna silteme jasap.

Mal sharýashylyǵyn damytý máseleleri boıynsha aýyl sharýashylyǵy mınıstri S. Omarov, «QazAgro» holdıńiniń basqarma tóraǵasy E. Qarashókeev, Batys Qazaqstan oblysynyń ákimi Ǵ. Esqalıev, Qyzylorda oblysynyń ákimi Q. Ysqaqov, Soltústik Qazaqstan oblysy ákiminiń orynbasary M. Tasmaǵanbetov, aýyl sharýashylyǵy kásiporyndarynyń basshylary — «Empire Food» kompanıasynyń bas dırektory A. Djavıdan, «Makınsk qus fabrıkasy» kompanıasynyń vıse-prezıdenti R. Toqseıitova baıandama jasady.

Mal sharýashylyǵy — elimizdiń agroónerkásiptik  kesheniniń jetekshi salasy. 2019 jyldyń birinshi jarty jyldyǵynyń nátıjesi boıynsha mal sharýashylyǵynda jalpy ónimniń kórsetkishteri 2018 jyldyń osyndaı kezeńimen salystyrǵanda 10,5%-ǵa ósti, mal azyǵy daqyldarynyń egis alańy 19-ǵa ulǵaıdy. 

"QR Tuńǵysh Prezıdenti – Elbasy N. Nazarbaevtyń tapsyrmasy boıynsha agrarlyq salany sapaly damytý, ekonomıkadaǵy onyń úlesin arttyrý boıynsha Agroónerkásiptik keshendi damytýdyń 2021 jylǵa deıingi memlekettik baǵdarlamasy qabyldandy", — dep QR Premer-Mınıstri, QR Prezıdenti Q. Toqaev aýyl sharýashylyǵynda eńbek ónimdiligin arttyrý jáne óńdelgen ónim eksportyn damytý boıynsha mindetterdi belgilegenin atap ótti.

Bıylǵy 15 shildede Úkimettiń keńeıtilgen otyrysynda Memleket basshysy agroónerkásiptik keshenge strategıalyq ınvestorlardy tartý mindetin qoıdy.

Asqar Mamın áleýetti ınvestorlarmen belsendi jumys júrgizip, olarǵa qolaıly jaǵdaılar jasaý qajettigin aıtty.

"Bul jumys únemi júrgizilýi tıis. Bizdiń ortaq mindetimiz – salaǵa keletin ınvestısıalardy jyl saıyn keminde 30%-ǵa arttyrý. 2020 jylǵa qaraı 211 mlrd teńgege deıin, 2021 jylǵa qaraı – 274 mlrd teńgege deıin ulǵaıtý qajet", — dedi Asqar Mamın.

Jańa sút fermalaryn salý arqyly óńdeý kólemin ulǵaıtý áleýeti bar, sút óńdeý kólemin 2022 jylǵa qaraı 2,2 mln tonnaǵa jetkizýdiń barlyq múmkindigi bar.

Aýyl sharýashylyǵy mınıstrligine «Qazagro» holdıńimen jáne oblystardyń ákimdikterimen birlesip,  sútti-taýarly mal sharýashylyǵynyń kólemin arttyrý, otandyq qus sharýashylyǵyn damytý, halal ónim eksportyn damytý sharalaryn qabyldaý tapsyryldy.  

"Nurly jer" memlekettik baǵdarlamasyn iske asyrý barysy týraly QR ındýstrıa jáne ınfraqurylymdyq damý mınıstri R. Sklár, "Báıterek" holdıńiniń tóraǵasy A. Áriphanov, Mańǵystaý oblysynyń ákimi S. Turymov, Túrkistan oblysy ákiminiń orynbasary Q. Aıtmuhametov, Almaty oblysy ákiminiń orynbasary S. Beskempirov baıandady.

2019 jyly shamamen 13 mln sharshy metr turǵyn úı salý josparlanǵan. Bul ótken jylǵy kórsetkishten 500 myń sharshy metrge artyq. Jyl saıyn 6 myń az qamtylǵan otbasy men 3 myń jumys isteıtin jastardy baspanamen qamtamasyz etý mindettemesi qabyldandy.

"Barlyq zańnamalyq normalar qabyldanyp, qajetti qarajat bólindi", — dep Asqar Mamın, áleýmettik baǵyttaǵy turǵyn úı kólemin tolyǵymen berý jáne satyp alý boıynsha naqty sharalardy qabyldaý kerek ekenin aıtty.

Sondaı-aq, QR Úkimetiniń basshysy turǵyn úıdi salýǵa, ınjenerlik ınfraqurylymdy jetkizýge ýaqytyly daıyndalýdyń mańyzy zor ekenin atap ótti.

"Memleket basshysy barlyq turǵyn úı baǵdarlamalaryn birtutas turǵyn úı saıasatyna biriktirýdi tapsyrdy. Sondyqtan bıyl 2025 jylǵa deıingi jańa "Nurly jer" memlekettik baǵdarlamasy qabyldanady, onyń aıasynda 650 myńǵa jýyq otbasy nemese 2 mln-nan astam adam jańa turǵyn úımen qamtamasyz etiledi", — dedi Asqar Mamın.

Nur-Sultan qalasynda jeńil relsti transport jobasynyń qurylysyn jalǵastyrý máseleleri boıynsha ákim A. Kólginov baıandady.

"Jobany ońtaılandyrý jumystary júrgizildi", — dep QR Úkimetiniń basshysy, Astana bankine aýdarylǵan $258 mln kólemindegi qarajat Nur-Sultan ákimdigine jobany odan ári júzege asyrýǵa qaıtarylatynyn aıtty. Ol elordanyń qoǵamdyq kóligin damytýǵa úles qosady.