Qazaqstannyń Tuńǵysh prezıdenti – Elbasy Nursultan Nazarbaev Qazaqstanda kásipodaq qozǵalysyn damytýǵa úles qosqany úshin marapat aldy dep habarlaıdy Qamshy.kz aqparat agenttigi sputniknews.kz saıtyna silteme jasap. 

Qazaqstan Respýblıkasy Kásipodaqtar federasıasynyń málimetinshe, joǵary kásipodaq marapatyn qurý týraly sheshimdi Memlekettik, bank mekemeleri jáne qoǵamdyq qyzmet kórsetý qyzmetkerleri salalyq kásipodaǵy ortalyq komıtetiniń prezıdıýmy qabyldaǵan.  

"Kásipodaq qozǵalysyn damytýǵa, Qazaqstan Respýblıkasy prezıdenti ákimshiliginiń bastaýysh kásipodaq uıymyn qurýǵa jáne saqtaýǵa, memlekettik qyzmetshilerdiń salalyq kásipodaǵyn nyǵaıtýǵa qosqan zor úlesi úshin jáne kásibı mereke – memlekettik qyzmetshiler kúnine oraı Qazaqstan Respýblıkasynyń Tuńǵysh prezıdenti – Elbasy Nursultan Ábishuly Nazarbaevty "Memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy" qoǵamdyq birlestiginiń "Kásipodaq qaıratkeri" №001 medalimen marapattaý týraly sheshim qabyldandy", - dep habarlady uıymnyń baspasóz qyzmeti.

Kásipodaq marapaty Elbasy keńsesiniń basshysy Mahmud Qasymbekovke tapsyryldy.