Qasym-Jomart Toqaev Qazaqstannyń teatr qaıratkerleri odaǵynyń tóraǵasy Tuńǵyshbaı Jamanqulovty qabyldady dep habarlaıdy Qamshy.kz aqparat agenttigi.
Kezdesý barysynda Memleket basshysyna Qazaqstannyń ulttyq teatrlarynyń jaı-kúıi, kınematografıa salasynyń jaǵdaıy týraly málimet berildi.
Tuńǵyshbaı Jamanqulov Qazaqstan Prezıdentine óńirlerindegi teatrlardyń shyǵarmashylyq jaǵdaıy, T.Júrgenov atyndaǵy Qazaq ulttyq óner akademıasyndaǵy jas mamandardy daıyndaý barysy jáne basqa da máseleler týraly baıandady.
Sonymen qatar, kezdesýde Qazaqstannyń teatr qaıratkerleri odaǵynyń mártebesin arttyrý máselesi de sóz boldy.
Qasym-Jomart Toqaev teatr jáne kıno óneri elimizdiń mádenı-rýhanı damýynda aıryqsha ról atqaratynyna nazar aýdardy. Sondyqtan, osy salalardyń damýyna erekshe kóńil bólip, árdaıym qoldaý bildiretinin atap ótti.
Pikir qaldyrý