Kóp ishinde "eńbegi elenbegen aqyn" atanǵan Baltabek Nurǵalıev Memleket jáne qoǵam qaıratkeri Baqytjan Ábdiruly Saǵyntaev myrzanyń Almaty qalasynyń ákimi bolyp taǵaıyndalýy qurmetine, "Nur Otan" partıasy Tóraǵasynyń Birinshi orynbasary Baýyrjan Qydyrǵalıuly Baıbek myrzaǵa jáne Qazaqstannyń memleket jáne qoǵam qaıratkeri, Alashtyń ardaqty azamaty Qyrymbek Eleýuly Kósherbaev myrzanyń Qazaqstan Respýblıkasy Prezıdenti Ákimshiliginiń basshysy bolyp taǵaıyndalýy qurmetine arnap arnaý óleńderin joldady.
Qolynda bıligi barlardyń barlyǵyn derlik óleńine arqaý etetin aqyn bir kúnde úsh sheneýnikke arnaý arnap, jurttyń bir eleń etkizgendeı. Bul jaǵympazdyq pa, álde júrekten shyqqan týyndylar ma halyq aq-qarasyn ózi ajyratar.
Baltabek Nurǵalıev arnaý óleńderin óz Facebook paraqshasynda jarıalaǵan.
"SHYŃDAǴY SHYNAR
Qazaqstannyń memleket jáne qoǵam qaıratkeri, Alashtyń ardaqty azamaty Qyrymbek Eleýuly Kósherbaev myrzanyń Qazaqstan Respýblıkasy Prezıdenti Ákimshiliginiń basshysy bolyp taǵaıyndalýy qurmetine arnadym!
Bir Sizdeı halqymyzdyń panasy bar,
Bir Sizdeı halqymyzdyń danasy bar.
Qazaqtyń qaısar uly, qamqor uly -
Qyrymbek Eleýuly - Aǵa-SHynar!
Aǵajan - bir Ózińiz - eren-dara,
Bir Sizge sener halyq, sener dala.
Atańyz - Er Kósherbaı - Eńbek Eri,
Ákeńiz - tekti-myqty - Eleý dana!
Eńseli Er Dáribaı – arǵy baba,
Bolypty Ol Atańyz - jan ǵulama.
Qorqyttaı qadirlisiz qazaq úshin,
Bul baǵa - el baǵasy - máńgi baǵa.
Erekshe Ózińizde óre-sana,
Jolyńyz - appaq-adal jáne sara.
Mektepte muǵalimdik qyzmet etken,
Anańyz - qasıetti Dánesh Ana!
Eńbekti halqyńyzǵa arnadyńyz,
Zıaly Shynar bolyp zaýladyńyz.
Bir Alla jar bolsynshy Ózińizge,
Júz jastan asyńyzshy, ardaǵymyz!
Bir Sizdeı halqymyzdyń Tulǵasy bar,
Ózińiz - ónegeli Tulǵa-SHynar!
Shyń degen - bıiktigi Parasattyń,
Shynardyń qasıeti - shyńǵa shyǵar!
Bir Sizdeı halqymyzdyń panasy bar,
Bir Sizdeı halqymyzdyń danasy bar.
Qazaqtyń qaısar uly, qamqor uly -
Qyrymbek Eleýuly - Aǵa-SHynar!
Qurmetpen, Baltabek Nurǵalıev"
Aqyn júregi birtýar aǵasyn da esten shyǵarmaǵan:
"BİRTÝAR
"Nur Otan" partıasy Tóraǵasynyń Birinshi orynbasary Baýyrjan Qydyrǵalıuly Baıbek myrzaǵa shyn júrekten arnaldy bul óleń!
Dalańyz ózińizge dán yrzaly,
Ózińiz - halqymyzdyń ar-ujdany.
Shyn qamqor bola bilgen el men jerge,
Armysyz, Er Baıbektiń Baýyrjany!
Sóz sóılep eldiń jaıyn saralaı kep,
Tolǵanǵan, tebirengen: "Dalam-aı!" dep.
Ardaqty atańyz ǵoı abyroıly,
Aıbyndy, asyl dana - baba Baıbek!
Ákeńiz - Qydyrǵalı - Tekti tulǵa,
Juldyz bop bıikterge jetti tulǵa.
Halqyna qasıetti jaryq bolyp,
Sáýlesin jarqyraǵan septi tulǵa.
Aǵajan - Er Baıbektiń Baýyrjany,
Bir Sizdi el erekshe qabyldady.
Kórkeıtken kósegesin keń dalanyń,
Shyn baqyt - Sizdeı tulǵa tabylǵany!
Juldyzdan Juldyz bolyp ul týady,
Ulydan Uly bolyp ul týady.
Aǵajan - ózińiz ǵoı ónegeli,
Qazaqtyń qaısar uly - BİRTÝARY!
Talantty túlegisiz "Bolashaqtyń",
Bir Sizdi tanyǵanǵa - Aǵa, shatpyn!
Shabytty shákirtisiz Elbasynyń,
Bıigin Sizden kórdik Parasattyń!
Dalańyz ózińizge dán yrzaly,
Ózińiz - halqymyzdyń ar-ujdany.
Shyn qamqor bola bilgen el men jerge,
Armysyz, Er Baıbektiń Baýyrjany!
Qurmetpen, Baltabek Nurǵalıev"
Memleket jáne qoǵam qaıratkeri Baqytjan Ábdiruly Saǵyntaev myrzanyń Almaty qalasynyń ákimi bolyp taǵaıyndalýy qurmetine izgi iltıpatpen arnadym!
Qýanyshty Almaty Aǵamyzǵa,
Qýanyshty Alataý panamyz da.
Júrgen jerin gúl etip jadyratar,
Qyzyr keldi kórikti qalamyzǵa!
Keldi, mine, Baqytjan Ábdiruly,
Salaýatty sezildi jan jylýy.
Aǵamyzdyń kelýi - jarqyn nyshan -
Qalamyzdyń qulpyryp, jańǵyrýy!
Respýblıka jurtyna ras unaǵan,
Abyroıly Aǵamyz - asyl adam.
Saǵyntaev Baqytjan Ábdiruly -
Qyzyr-adam shýaǵy shashyraǵan!
Almatydaı qalaǵa ákim aǵa,
Shynymenen, halqyna jaqyn aǵa.
Atyna saı bolyp júr elge BAQYT,
Asyldardyń jalǵasy, batyr aǵa!
Ulyqtaıdy umytpaı máńgi dala,
Saǵyntaıdaı Atasy - ázǵulama.
Halyq qamyn oılaǵan qasıetti
Asyltekti Ákesi - Ábdir Aǵa!
Ábdir Aǵa - Ákesi - Eńbek Eri,
Salıqaly Tulǵaǵa sengen eli.
Uly ǵıbrat - Qundyzaı Anamyzdyń
Tektiliktiń besigin terbegeni!
Tektiliktiń ǵajabyn uqty dala,
Aǵamyzdy aıbyndy tutty dana.
Qyzyrymyz - Baqytjan Ábdiruly,
Qyzyry bar qalamyz - qutty qala!
Qurmetpen, Baltabek Nurǵalıev"
Pikir qaldyrý