QR Ekologıa, geologıa jáne tabıǵı resýrstar Mınıstri M. Myrzaǵalıevtiń bastaýymen respýblıkalyq deńgeıge ulasqan "Birge - Taza Qazaqstan" ekologıalyq aksıasynyń negizgi maqsaty - qorshaǵan ortanyń tazalyǵyna biraýyzdan atsalysý, sol arqyly jas jetkinshekterge úlgi kórsetý bolyp tabylady.

Aksıaǵa oblys boıynsha barlyǵy 2000-ǵa jýyq adam, onyń ishinde memleketik mekemeler jáne memlekettik emes uıymdar qatystyrylyp, 100 tehnıka jumyldyryldy. Aımaq boıynsha 25 tarıhı jáne demalys oryndarynda tazalaý jumystary júrgizilip, sol jerlerden barlyǵy 300 tonnaǵa jýyq qoqys tasyp shyǵaryldy.

Aıta keteıik, Qazaqstan Prezıdenti Qasym-Jomart Toqaev Twitter jelisindegi paraqshasynda eko-chellendj qozǵalysyn tolyq qoldaıtynyn jazǵan bolatyn.

"Úkimet pen azamattyq qoǵamnyń bastamasymen búkil el boıynsha júzege asyrylyp jatqan eko-chellendj qozǵalysyn tolyq qoldaımyn. Eldi tazalyq aımaǵyna aınaldyraıyq. Birge - Taza Qazaqstan! Jaraısyńdar, volonterlar!" - dep jazdy Memleket basshysy.

#Birge #TazaQazaqstan