Reseılik sarapshylar 2019 jyldyń sońyna qaraı rúbldiń álsireýi múmkin ekenin joqqa shyǵarmaıdy. Bunyń kórshiles Qazaqstan ekonomıkasyna da salqyny tıýi yqtımal.

lsm.kz saıtynyń jazýynsha, álemdik shıkizat naryǵyndaǵy jaǵdaıat Reseıge qaraǵanda, Qazaqstanǵa kóbirek áser etedi. Oǵan Qazaqstan ekonomıkasynyń ártaraptanbaýy men shıkizattyq taýar úlesiniń kóp bolýy sebep.

Ekonomıs Aleksandr Iýrın aǵymdaǵy jaǵdaıda teńge rúblge qatysty birtindep álsirep jatqanyna nazar aýdardy.

Shıkizat baǵasy arzandaıtyndaı bolsa, teńge baǵamy rúbldyń jaǵdaıyna qaramastan qunsyzdanady. Rúbldiń álsireýi de ulttyq valútaǵa teris áser etedi. Sondyqtan qalaı qarasa da teńge baǵamy tómendeıdi degen pikirde sarapshy.

Aleksandr Iýrın 385 teńgelik shamadaǵy dollar baǵamy endi 4 paıyzǵa kúsheıse, 400 teńge shamasyna jetetinin eskertti.

"Bundaı jaǵdaıda jyl sońyna deıin 1 dollar 400 teńge baǵamynyń ornaýy shyndyqqa janasatyn senarı", deıdi ol.