Jambyl oblysynyń ortalyǵy Taraz qalasynda tas joldardyń tehnıkalyq jaǵdaıy jiti baqylaýda. Qala boıynsha komýnaldyq menshikte tirkelgen uzyndyǵy 996 shaqyrymdy quraıtyn 576 kóshe bar bolsa, al joldardyń tehnıkalyq baqydaýdan keıin uzyndyǵy 1 531,09 shaqyrymdy quraıtyn 1 330 kóshe anyqtalǵan.

Osy jylyTarazdaǵy 55 kóshe men 85 kóshe burylysynyń ortasha jóndeý jumystaryna 1 mlrd 471,1 mln teńge, kóshelerdiń shuńqyrlaryn qalypqa keltirý jumystaryna 360,0 mln teńge bólinip, jóndeý jumystary qarqyndy júrgizilip jatyr. Onyń ishinde mektepter men balabaqshalarǵa baratyn 30 kósheni ishinara jáne 32 jaıaý júrginshilerge arnalǵan joldardy jóndeý úshin memlekettik satyp alý konkýrsyna habarlama berilgen.

Sondaı-aq, qala boıynsha kóshelerdiń jol jabyndysynyń aǵymdaǵy tehnıkalyq jaǵdaıyn anyqtaý maqsatynda túgendeý jumystary júrgizilip qorytyndysy boıynsha jalpyqalalyq «Jol» baǵdarlamasy qabyldandy. Birinshi kezekte áleýmettik mańyzy bar nysandar ornalasqan jáne qoǵamdyq kólik ótetin kósheler tártipke keltirilmek. Búdjettik qarjylandyrý múmkindigine baılanysty qajetti jumystardy aldaǵy 3-5 jyl kóleminde atqarý belgilengen. Sonymen qatar, Oblys ortalyǵynda túngi jaryqtandyrý shamdaryn elektr qýatyn únemdeıtin úlgilerine aýystyrý jumystary da qarqyndy júrip jatyr. Naqtyraq aıtqanda, osy jyly 2 dańǵyl men 27 kóshede temir-beton baǵanalardy metal baǵanalarǵa aýystyrý, svetodıod shamdar ornatý jáne kabelderdi jer astymen júrgizý jumystary jasalynyp jatyrQaladaǵy  komýnaldyq mekemeler gaz jáne sý qubyrlaryn júrgizý barysynda buzylǵan joldaryn qalpyna keltirý jumystary da qolǵa alynǵan..

Sonymen qatar, qala joldaryndaǵy ashyq qudyq máselesin sheshýge den qoıylýda. Búgingi tańda qalada barlyq komýnaldyq mekemelerdiń teńgeriminde  40 myńnan asa ırrıgasıalyq, sý, káriz, baılanys, jylý qudyqtary bar eken. Olardy turǵyndardyń urlap,temir qaldyqtaryn qabyldaý pýnkterine ótkizýin toqtatý maqsatynda temir qudyq qaqpaqtary beton men plasmassadan jasalǵan qaqpaqtarǵa almastyrylyp jatyr.

Jóndeý jumystar barysynda qaladaǵy kólik keptelisin azaıtý jáne kólik qozǵalysyn yńǵaılandyrý maqsatynda tehnıkalyq qadaǵalaý ınspeksıasynyń qyzmetkerlerimen birlese, qaladaǵy birneshe kósheniń qıylystaryndaǵy baǵdarshamdar ýaqytsha óshirilgen.

Qýanysh Keýilimjaı