2019 jyldyń alǵashqy jartysynda elden 22,3 myń adam kóship ketken dep habarlaıdy Qamshy.kz aqparat agenttigi lsm.kz-ke silteme jasap.

İshki ister mınıstrliginiń dereginshe, ketkenderdiń kóbi – 19 650 adam Reseıge qonys aýdarǵan. 1,4 myń adam Germanıaǵa, 321 adam Polshaǵa, 238 adam Ózbekstanǵa, 162 adam Belarýsqa, 129 adam Qyrǵyzstanǵa kóshken. Sondaı-aq AQSH-qa 130, Izraılge 53, Kanadaǵa 45 adam birjola attanǵan.

Jyraqqa jylystaýshylardyń arasynda Shyǵys Qazaqstan oblysynyń turǵyndary kóp. Ol jaqtan 3 myń adam shetel asqan. Qostanaı oblysynan 2,9 myń adam, Qaraǵandy oblysynan 2,8 myń, Pavlodar oblysynan 2,3 myń, elordadan 2 myńnan astam, Almatydan 1,9 myń adam otanyn tastap ketken.

Shetelge ketýshiler arasyndaǵy eń tómengi kórsetkish Qyzylorda, Mańǵystaý, Túrkistan oblystarynda tirkelip otyr.