Elimizde júrgen armán nómirli kólikter túgel rásimdelmek dep habarlaıdy Qamshy.kz aqparat agenttigi KTK telearnasyna silteme jasap. Indýstrıa jáne ınfraqurylymdyq damý mınıstrligi osyndaı bastama kóterip otyr. Óıtkeni sol jaqtan mashına aıdap ákelip, esh jerde salyq tólemeıtinder kóbeıgen deıdi mınıstrliktegiler.

Máselen, Qazaqstan azamaty Armenıaǵa baryp ýaqytsha tirkeýge turady da, kólik satyp alady. Ol kóligin sol Armenıada tirkeýge qoıady. Sosyn ony Qazaqstanǵa ákelip, osynda minip júre beredi. Aqyrynda ne Armenıada, ne Qazaqstanda salyq tólemeıdi.

Resmı málimet boıynsha, bıyldyń ózinde AQSH-tan Armenıaǵa 60 myńdaı jeńil kólik ákelingen. Jap-jańa bolmasa da baǵasy bizdiń elde shyǵarylatyn kólikterden eki ese arzan. Mınıstrlik endi júrgizýshilerdiń bul qýlyǵyn shektegisi keledi.

"Eger jurt sol jaqtan kólik satyp alǵysy kelse, marhabat, biz qarsy emespiz. Tek zańdastyrsyn. Tranzıttik nómirmen ákelýdiń qajeti joq. Odan da osynda ákelip, zańǵa saı tirkeýge qoıyp, sosyn emin-erkin aıdap júre bersin", - deıdi Indýstrıa jáne ınfraqurylymdyq damý mınıstriniń orynbasary Amanıaz Erjanov myrza.