Belarýs Ortalyq saılaý komısıasynyń tóraǵasy Lıdıa Ermoshına ONT telearnasynyń "Kontýry" baǵdarlamasyna bergen suhbatynda elde prezıdent saılaýy 2020 jyly 30 tamyzda ótýi múmkin ekendigin aıtty dep habarlaıdy Qamshy.kz aqparat agenttigi HAA BELTA saıtyna  silteme jasaı otyryp.

OSK tóraǵasy memleket basshysyn saılaýǵa tıimdi ýaqyt kóktem bolyp tabylatynyn aıta kele:

"Bizde qarasha aıynda saılaý ótedi, jeltoqsanda jańa parlament qalyptasyp úlgeredi. Bul degenimiz, úsh aıdan keıin prezıdent saılaýyn belgileý kerek bolady. Al sonda mynalardy biz nege almastyrdyq?", - dedi ol.

"Prezıdent saılaýy Konstıtýsıada belgilengen merzimde ótedi dep oılaımyn. Iaǵnı, 2020 jyly 30-tamyz kúni. Menińshe, bul ýaqytty Belarýs Respýblıkasy prezıdentiniń saılaýy ótetin kún dep ataýǵa bolady", - dedi Lıdıa Ermoshına.

Onyń aıtýynsha saılaý jazdyń kezinde bolady. Ekinshi jaǵynan, 30-tamyz kúni halyq eńbek demalystarynan oralatyn, stýdentter JOO-ǵa ornalasyp úlgeretin ýaqyt. Iaǵnı, saılaýshylar tirkelgen jerlerinde bolyp, daýys bere alady.

"Biraq bul qazir boljam ǵana", - dep qosty ol.

Eske sala keteıik, Belarýs basshysy Aleksandr Lýkashenko 2019 jyly Ókilder palatasy men Respýblıka Keńesine saılaý ótetinin, al prezıdent saılaýy 2020 jyly bolatynyn málimdegen edi.