Qazaqstannyń úsh azamaty, onyń ishinde kámeletke tolmaǵan eki bala Ózbekstanda jol apatynan kóz jumdy dep jazady Qamshy.kz aqparat agenttigi sputniknews.kz saıtyna silteme jasap.  

Qazaqstan ishki ister mınıstrligi baspasóz qyzmetiniń málimetinshe, tragedıa 3 tamyz kúni Navoı oblysynda bolǵan.   

"Navoı oblysynyń Nurata aýdanynda Nurata-Jyzzaq-Farısh tasjolynyń 136-shy kılometrinde "Neksıa"kóligi qarsy jolǵa shyǵyp ketip, "Isýzý"júk kóligimen soqtyǵysqan. Jeńil kólikte jeti adam bolǵan, olardyń ekeýi kámeletke tolmaǵan bala" - dep habarlady syrtqy ister mınıstrligi.

Oqıǵa ornynda Qazaqstannyń úsh azamaty (1952, 2013 jáne 2016 jyldary týǵan) qaza boldy. 

Taǵy úsh qazaqstandyq aýyr jaraqat alyp, Nurata aýdanyndaǵy aýrýhananyń jansaqtaý bólimine jatqyzyldy. Zardap shekkender esin biledi, biraq jaǵdaıy aýyr.

SİM baspasóz qyzmeti qazaqstandyq dıplomattar zardap shekkenderge jáne olardyń týystaryna barlyq qajetti kómekti kórsetip jatqanyn atap ótti.

Qaıtys bolǵandar men zardap shekkenderdiń barlyǵy týys bolyp shyqty, olar Qazaqstanǵa Ózbekstannan qonys aýdarǵan. Osyǵan baılanysty týystary qaıtys bolǵandardy Ózbekstanda jerleýge sheshim qabyldady.