Qazaqstandyq avtobıznes qaýymdastyǵynyń málimetinshe, 2019 jyldyń alǵashqy jartyjyldyǵynyń qorytyndysy boıynsha elde tirkelgen rúli oń jaqtaǵy kólikter sany 4 paıyzǵa azaıǵan. Atalǵan kezeńde 24 778 oń rúldi kólik tirkeýden ótken. Bul tirkelgen jalpy kólik sanynyń 5 paıyzyn ǵana quraıdy. Jyl basynan bergi alty aıda ekinshi naryqta 567 700 kólik tirkelgen.

Tirkelgen oń rúldi kólikterdiń ondyǵyn Toyota brendiniń temir tulparlary bastap tur. Olar 10 972 birlik. Keıingi oryndarda Mitsubishi (5 197), Nissan (3 452), Honda (2 508), Subaru (1 693), Mazda (508), Suzuki (114), Isuzu (38), Daihatsu (33), Mercedes-Benz (28) jaıǵasqan.

3 sáýirdegi jaǵdaı boıynsha elde 142 966 oń rúldi kólik tirkelgen. Olardyń basym kópshiligi Almaty qalasyna (44 334), Almaty (42 839) jáne Shyǵys Qazaqstan oblystaryna tıesili.

Oń rúldi kólikterdiń 45,5 paıyzy (64 myń) Toyota brendiniń úlgileri. Odan keıingi oryndarda Mitsubishi (30,5 myń), Nissan (18,1 myń), Honda (15 myń) jáne Subaru (8,3 myń). Tanymal úlgilerdiń sapynda Mitsubishi Pajero, Mitsubishi Delica, Nissan Cefiro, Honda CR-V jáne Toyota Hilux Surf bar.

Oń rúldi kólikterdiń 97,7 paıyzynyń "jasy" 20 jyldan asqan.