Valúta aıyrbastaý pýnkteri saǵat 10-nan 19:00-ge deıin jumys isteıtin bolady. Ulttyq bank osyndaı ózgeris engizýdi kózdep otyr dep habarlaıdy Qamshy.kz aqparat agenttigi Sputnik Qazaqstan saıtyna silteme jasap. 

"QR qolma-qol shetel valútasymen aıyrbastaý operasıalaryn uıymdastyrý qaǵıdalaryn bekitý týraly" Ulttyq bank basqarmasynyń qaýlysynyń jobasy jarıalandy.

"Aıyrbastaý pýnktiniń jumys rejımin qolma-qol shetel valútasymen aıyrbastaý operasıalaryn júzege asyrýǵa quqyǵy bar zańdy tulǵa belgileıdi. Pýnkt 10:00-den 19:00-ge deıin jumys isteýi kerek", - dep jazylǵan qaýly jobasynyń 33-2 tarmaǵynda.

Árbir aıyrbastaý operasıasy boıynsha tizilimder jýrnaly júrgiziledi. Qujattyń 51-tarmaǵynda sol jýrnalda qandaı málimet jazylatyny kórsetilgen. Olar: klıenttiń aty-jóni, jeke basyn kýálandyratyn qujattyń túri, berilgen kúni, nómiri, qoldanylý merzimi.