"Oqýlyqtardyń sapasyna qatysty másele jyl saıyn kóteriledi. Qoǵam tarapynan kóp suraq qoıylyp, syn-eskertpe jıi aıtylady. Shyny kerek, problema bar, qateler kezdesedi. Bireýler qate basylyp ketti deıdi, endi bireýler tehnıkalyq aqaýlyq dep aqtalady. Alaıda halyqty bul sebepter qyzyqtyrmaıdy. Halyqqa sapaly oqýlyq kerek", - dedi Aımaǵambetov astanada ótken jıynda.

Mınıstr ózi de mektep oqýlyqtarynan qate tapqanyn jetkizdi. Onyń sózine qaraǵanda, orys ádebıeti oqýlyqtarynda keıipkerlerdiń birese aty, birese famılıasy jazylady. Budan bólek, aǵylshyn sózderi qazaq jáne orys tilderine durys aýdarylmaıdy.

"Men ózim ádeıi birneshe oqýlyqty alyp qaradym. Shynymdy aıtsam, ózim de birneshe qate taptym. Ol qateler qaıdan shyǵyp jatyr? Mınıstrlikke ne isteý kerek? Búgin osy jaıynda sóılesemiz", - dep atap kórsetti Aımaǵambetov.

Resmı málimetke sáıkes, búginde oqýlyqtardyń 40 prosenti mektepterge jetkizildi. 1 qyrkúıekke deıin osy jumysty tolyǵymen aıaqtaý josparlanyp otyr.