Qarqaralydaǵy memlekettik ulttyq tabıǵı saıabaǵyn órtten arashalaý úshin qutqarýshylar ekinshi táýlik jumys jasap jatyr dep jazady Qamshy.kz aqparat agenttigi.
Qaraǵandy oblysynyń Tótenshe jaǵdaılar departamentiniń baspasóz qyzmetiniń málimetine súıensek, órttiń jalpy aýmaǵy búgin 700 gektardy qurap otyr. Onyń 180 gektary qalyń orman.
«Qutqarýshylarǵa kómek retinde Ulttyq gvardıanyń №52859 áskerı bóliminiń qatarynan qosymsha kúsh jóneltilmek», - dep málimdedi TJD.
Qazirgi ýaqytta Qarqaraly aýdanynda tótenshe jaǵdaı rejımi jarıalanyp, qajetti sharalar atqarylýda.
