Severodvınsk qalasy mańyndaǵy Nenoks aýylynyń turǵyndaryna 14 tamyzda 2 saǵatqa aýyldan ketý jóninde nusqaýlyq kelegen dep habarlaıdy Qamshy.kz aqparat agenttigi Rosbalt saıtyna siltemejasap. 

Al aýyldan ketisi kelmegenderge eki saǵatqa, ıaǵnı saǵat tańǵy 05.00 men 07.00 ýaqytynda ormanǵa bara turýlaryn surapty. Al Severodvınsk qalasy ákimdiginiń basshysy áli eńbek demalysynan oralmaǵan.

Aıta ketsek, bul aýylda ótken aptada shaǵyn gabarıtti ıadrolyq reaktor synaq kezinde jarylyp ketken.

Qandaı da bir synaq jasalý múmkindigi týraly resmı aqparat joq.

Túnde Arhangelskiden Máskeýge 10 dáriger ushyp ketti, olar "Nenoksa" jattyǵý polıgonynda jarylystan zardap shekkenderge alǵashqy medısınalyq kómek kórsetti. Dárigerler onkologıalyq jáne bıofızıkalyq aýrýlardyń saldaryn zertteıtin medısınalyq ortalyq ornalasqan Shýkınskaıa metro stansıasynyń mańynda ornalasty. Atap aıtsaq, onda A.I. Býrnazán atyndaǵy federaldy medısınalyq bıofızıkalyq ortalyqtyń klınıkasy bar. Sol araǵa synaq polıgonynda zardap shekkender jetkizilgen bolatyn.

Rosatomnyń habarlaýynsha, synaq polıgonynda 5 qyzmetker kóz jumyp, 3 adam jaralanǵan. Biraq ıadrolyq reaktordyń jarylýy týraly aqparatty Reseı sońyna deıin jasyryn ustady. AQSH prezıdenti Donald Tramp Reseıde ıadrolyq reaktor jarylǵanyn jelidegi paraqshasynda jazdy. Tipti, atyna deıin atap, túsin tústep berdi. Endi halyqaralyq qaýymdastyq aýa-raıy sapasyna alańdap otyrǵanyn da jetkizgen.