"100 naqty qadam" Ult josparynyń 85-qadamynda "MÁŃGİLİK EL" patrıottyq aktisi jobasyn ázirleý belgilengeni belgili.

Elbasymyz "Máńgilik el" ıdeıasynyń negizinde ult damýynyń qaınar kózderi bolyp sanalatyn mádenıeti joǵary, halqynyń ádet-ǵurpyn saqtaıtyn, qundylyqtardy dáripteıtin urpaqty tárbıeleýdi aldymyzǵa mindet etip qoıdy.

Rýhanı jańǵyrýdyń bastaýy ulttyq tamyrdan nár alýy tıis deıtin bolsaq, mektepterde patrıottyq tárbıeni keń kólemde júzege asyrý qajet.

"Órleý" BAUO AQ fılıaly BBJKBARI Bilim berý úderisin psıhologıalyq-pedagogıkalyq qoldaý kafedrasy strategıalyq qujattardaǵy basym maqsattardy júzege asyrýda mektepke deıingi uıym basshylary men mekteptiń tárbıe mamandary úshin qysqa merzimdi biliktilikti arttyrý kýrstaryn ótkizip keledi.

Bilim berýmen qatar urpaqty ulttyq tárbıege baýlý, tárbıeleýdi mektep qabyrǵasynda júzege asyrý joldaryn belgileýde tyńdaýshylarmen ınovasıalyq ádis-tásilderdi qoldaný keńinen júzege asyrylady.

Qysqa merzimdi biliktilikti arttyrý kýrstarynda "Rýhanı jańǵyrý" baǵdarlamasynyń ıdeıalaryn engizý boıynsha tájirıbelik baǵyttaǵy is-sharalar ótkiziledi. Tárbıe máseleleri boıynsha kýrs barysynda mekteptiń áleýmettik, qoǵamdyq uıymdarmen   baılanysyn, pedagogtar, ata-analarmen jáne oqýshylarmen túrli formadaǵy jumystardyń tıimdiligin ashýǵa baǵyttalǵan tyńdaýshylardyń jeke jáne toptyq jumystary daıyndalady, tájirıbe almasý maqsatynda ortaǵa salynady. Bilim berý qyzmetiniń sapalyq deńgeıin anyqtaýǵa ınstıtýttyń monıtorıń júıesi qyzmet etedi.

Bilim men tárbıe – egiz uǵym. Jas urpaqqa rýhanı tárbıe berýdegi mektepke deıingi uıymdar men mektep dırektorynyń tárbıe jumystary jónindegi orynbasarlaryna arnalǵan biliktilikti arttyrý kýrstarynyń mazmuny pedagogtardyń kásibı biliminiń tereńdeýine baǵyt beredi. Ásirese respýblıkanyń túrli aımaqtarynan kelgen tájirıbeli mamandardyń aıtar oıy, josparly usynysy, jobalary, tyń ıdeıalaryn ortaǵa salýynyń kásibin endi ǵana bastaǵan jas basshylardyń bilimi molaıýyna, tájirıbesi keńeıýine tıgizer yqpaly úlken. Sondyqtan da "Máńgilik el" ıdeıasynan bastaý alyp, rýhanı jańǵyrýǵa jol ashqan Elbasynyń taǵylymdyq eńbekterin keńinen nasıhattaý isi óz jalǵasyn taba bermek.

Aǵıma Mahanbetova,

«Órleý»BAUO AQ fılıaly BBJ KBARI Bilim berý úderisin psıhologıalyq-pedagogıkalyq qoldaý kafedrasynyń meńgerýshisi, pedagogıka ǵylymdarynyń kandıdaty