SCAT áýe kompanıasynyń Boeing 757 ushaǵy Nur-Sultan áýjeıyna shuǵyl qondy dep jazady Qamshy.kz aqparat agenttigi.

Bul týraly Indýstrıa jáne ınfraqurylymdyq damý mınıstrliginiń azamattyq avıasıa komıteti habarlady.

"Búgin Sanıa (Qytaı) – Nur-Sultan baǵytyndaǵy VSV464 reısi saǵat 16:58-de shuǵyl qondy. Sanıa áýejaıy dıspecherlik qyzmetiniń aqparaty boıynsha ushý-qoný jolaǵynan rezeńke bólshekter tabylǵan. Boljam boıynsha ushaq áýege kóterilgen kezde belgisiz zatty basyp ótip, saldarynan shasıdiń sol jaq negizgi tireýiniń artqy dońǵalaǵyna zaqym kelgen", - dep jazylǵan resmı habarlamada.

Osy jaıttan soń áýe kompanıasy ushaqty qondyrý máselesi týraly Nur-Sultan qalasynyń áýejaıymen sóılesken.

"Ushaq aman-esen qondy. Ushaqtyń ishinde 234 jolaýshy men jeti ekıpaj múshesi boldy", - dedi azamattyq avıasıa komıtetindegiler.

Komıtettiń habarlamasynda avıasıa oqıǵalaryn tergeý basqarmasynyń komısıasy tekseristi bastady delingen.