Dımash Qudaıbergen Sochıde "Novaıa volna" jas talanttar konkýrsyn "Olympic" ánimen ashty dep jazady Qamshy.kz aqparat agenttigi.

Qazaq ónerpazy "Olympico" ánin kompozıtor Igor Krýtoıdyń súıemeldeýimen oryndady. Sondaı-aq Igor Krýtoı akademıasynyń hory, Sochı sımfonıalyq orkestri jáne Sochı qalasynyń jastar hory qoldaý kórsetti.

Baıqaý júrgizýshisi Andreı Malahov Dımashty "Dımash Qudaıbergen – Reseı, Qytaı jáne álem estradasynyń jańa seks-sımvoly", - dep tanystyrdy.

Konkýrstyń ashylý saltanatynda Dımash Qudaıbergen taǵy bir shyǵarma – "Mademoiselle Hyde" ánin shyrqady.

"Búgin Sochıdegi búkil gúl Dımash úshin satyp alynǵan sekildi", - dedi júrgizýshi gúldiń astynda qalǵan Dımashqa qoshemet bildirip.

"Dımash eń myqty, eń úzdik, oǵan teń keler eshkim joq. Sen úshin otqa da sýǵa da túsýge daıynbyz, kerek deseń tyńshy bolamyz"- dep jazady ártistiń tyńdarmandary.

Aıta keteıik, "Novaıa volna" - halyqaralyq tanymal áýenderdi oryndaýshy jas talanttar baıqaýy. Baıqaý bıyl Sochı qalasynda 24-29 tamyz aralyǵynda ótedi. Konkýrsta álemniń 13 elinen kelgen jas ánshiler synǵa túsedi. Dımash Qudaıbergen konkýrs aıasynda ótetin Igor Krýtoıdyń mereıtoılyq keshinde jáne baıqaýdyń jabylý saltanatynda óner kórsetedi dep josparlanyp otyr.