2019 jylǵy 23 tamyzda Qostanaı qalasynyń «Jastar saraıy» konserttik zalynda Qazaqstan ulttyq (etnıkalyq) teatrlarynyń V respýblıkalyq festıvaliniń saltanatty jabylý keshi ótti.

Ózderińizge belgili bolǵandaı atalǵan festıvál eki jylda bir ret ótedi. Osyǵan deıin festıvál Nur-Sultan, Qaraǵandy, Shymkent qalalarynda ótken. Osy jyly festıvál Qostanaı qalasynda aǵymdaǵy jyldyń 20-23 tamyz aralyǵynda ótti. Festıválǵa bes teatr, atap aıtqanda Shymkent qalalyq ózbek drama teatry (S.Dosanov «Qasqyr ulyǵan tún» /drama/ ózbek tilinde, rejıser: S.Melıev),  Memlekettik respýblıkalyq akademıalyq koreı mýzykalyq komedıa teatry (Ǵ.Músrepov «Poema o lúbvı» (Qozy Kórpesh – Baıan Sulý) /spektákl epos/ káris tilinde, rejıser: D.Jýmabaeva), Q.Qojamıarov atyndaǵy respýblıkalyq memlekettik akademıalyq uıǵyr mýzykalyq komedıa teatry («Apat» /mýzykalyq-plastıkalyq spektákl/ rejıser: Ia.Shamıev), İ.Omarov atyndaǵy Qostanaı oblystyq qazaq drama teatry (N.Gogol «Úılený» /komedıa/ qazaq tilinde, rejıser: A.Baımahan), Qostanaı oblystyq orys drama teatrlary qatysty (N.Sadýr «Pannochka» /mıstıkalyq melodrama/ orys tilinde, rejıser: A.Lıopa).

Qazylar alqasynyń quramy:

• Qazaqstan Respýblıkasy Parlamenti Májilisiniń depýtaty, Qazaqstan halqy Assambleıasynyń múshesi Jýmadıldaeva Natalá Vasılevna;
• Qazylar alqasynyń tóraǵasy, teatr synshysy, Ǵ. Músirepov atyndaǵy Qazaq memlekettik akademıalyq balalar men jasóspirimder teatrynyń kórkemdik jetekshisi, ónertaný ǵylymdarynyń kandıdaty Erkin Jýasbek;
• Kıno jáne teatr akteri, Qazaqstannyń eńbek sińirgen ártisi, M.Iý. Lermontov atyndaǵy Memlekettik akademıalyq orys drama teatrynyń akteri Mıhaıl Tokarev;
• Teatrtanýshy, ónertaný kandıdaty, T.Júrgenov atyndaǵy qazaq ulttyq óner akademıasynyń dosenti, Halyqaralyq teatr synshylary asosıasıasynyń múshesi Anar Erkebaı;
• Akter, Qazaqstannyń eńbek sińirgen qaıratkeri, «Nomad City Hall» teatrynyń bas rejıseri Saılaý Qamıev.

Osy ýaqyttyń ishinde Qostanaı qalasynyń qonaqtary men turǵyndary festıvál qatysýshylarynyń qoıylymdaryn kórip, rızashylyqtaryn bildirdi.

Saltanatty jabylý keshine Qazaqstan halqy Assambleıasynyń, QR Mádenıet jáne sport mınıstrliginiń ókilderi, Qostanaı oblysynyń basshylyǵy, oblystyń óner qaıratkerleri, QR etnoteatrlarynyń ujymdary, BAQ, teatr súıer qaýym, qala turǵyndary men qonaqtary qatysty.

İs-sharany quttyqtaý sózimen Qazaqstan Respýblıkasy Prezıdent ákimshiliginiń Qazaqstan halqy Asssambleıasy hatshylyǵy meńgerýshisiniń orynbasary N.M. Narjanov ashty.

Osydan keıin keshtiń júrgizýshileri festıváldiń qorytyndylaryn jarıalaý jáne dıplomdardy tabystaý úshin sóz kezegin qazylar alqasynyń tóraǵasy men múshelerine berdi.

Teatrtanýshy, ónertaný kandıdaty, T.Júrgenov atyndaǵy qazaq ulttyq óner akademıasynyń dosenti, Halyqaralyq teatr synshylary asosıasıasynyń múshesi Anar Erkebaı «Festıváldiń ekinshi plandaǵy úzdik er adam beınesi» nomınasıasy boıynsha dıplommen N.Sadýrdyń «Pannochka» spektaklindegi Iavtýh roli úshin Qostanaı oblystyq orys drama teatrynyń akteri Oleg Smırnovty marapattady.

Teatr akteri ári rejıseri, Qazaqstannyń eńbek sińirgen qaıratkeri, «Nomad City Hall» teatrynyń bas rejıseri Saılaý Qamıev «Festıváldiń ekinshi plandaǵy úzdik áıel beınesi» nomınasıasy boıynsha dıplommen N.Gogoldiń «Úılený» spektaklindegi Dýnásha roli úshin İ.Omarov atyndaǵy Qostanaı oblystyq qazaq drama teatrynyń aktrısasy Nazıra Imandy marapattady.

Qazaqstan Respýblıkasy Parlamenti Májilisiniń depýtaty, Qazaqstan halqy Assambleıasynyń múshesi Natalá Jumadildaeva «Festıváldiń kórermen kózaıymy júldesi» nomınasıasy boıynsha dıplommen «Qasqyr ulyǵan tún» spektakli úshin Shymkent qalalyq ózbek drama teatryn marapattady.

Kıno jáne teatr akteri, Qazaqstannyń eńbek sińirgen ártisi, M.Iý. Lermontov atyndaǵy Memlekettik akademıalyq orys drama teatrynyń akteri Mıhaıl Tokarev «Festıváldiń úzdik senografıalyq jumysy» nomınasıasy boıynsha dıplommen N.Sadýrdyń «Pannochka» spektakli úshin Qostanaı oblystyq orys drama teatryn marapattady.

Teatr synshysy, Ǵ. Músirepov atyndaǵy Qazaq memlekettik akademıalyq balalar men jasóspirimder teatrynyń kórkemdik jetekshisi, ónertaný ǵylymdarynyń kandıdaty Erkin Jýasbek «Festıváldiń úzdik áıel beınesi» nomınasıasy boıynsha dıplommen N.Gogoldiń «Úılený» spektaklindegi Agafá Tıhonovna roli úshin İ.Omarov atyndaǵy Qostanaı oblystyq qazaq drama teatrynyń aktrısasy Dıana Tursynovany marapattady.

Qazaqstan Respýblıkasy Mádenıet jáne sport mınıstrligi Kınematografıa jáne teatr óneri basqarmasynyń bas sarapshysy Gúlnafıs Myrzasheva «Festıváldiń úzdik er adam beınesi» nomınasıasy boıynsha dıplommen N.Gogoldiń «Úılený» spektaklindegi Podkolesın roli úshin İ.Omarov atyndaǵy Qostanaı oblystyq qazaq drama teatrynyń akteri Qonysbek Begaıdarovty marapattady.

Qostanaı oblysy ákimdiginiń Mádenıet basqarmasynyń basshysy Erlan Qalmaqov «Festıváldiń úzdik rejıserlik jumysy» nomınasıasy boıynsha dıplommen «Apat» spektakli úshin Qudys Qojamıarov atyndaǵy Respýblıkalyq memlekettik akademıalyq uıǵyr mýzykalyq komedıa teatrynyń rejıseri Ialkýnjan Shamıevti marapattady.

«Festıváldiń úzdik spektakli» nomınasıasy boıynsha bas júldeni Qazaqstan Respýblıkasy Prezıdent ákimshiliginiń Qazaqstan halqy Asssambleıasy hatshylyǵy meńgerýshisiniń orynbasary N.M. Narjanov «Poema o lúbvı» spektakli úshin Respýblıkalyq memlekettik akademıalyq koreı mýzykalyq komedıa teatryn marapattady.

Nomınasıalar boıynsha júldeler tabystalǵannan keıin jergilikti shyǵarmashylyq ujymdarynyń qatysýymen konserttik baǵdarlama usynyldy, sonymen qatar jabylý saltanatynyń arnaıy qonaǵy Nur-Sultan qalasynyń «VoiceKZ» toby óz ónerlerimen kórermenderdi qýantty.