Qaraǵandy oblysy Qarqaraly qalasynda Álıhan Bókeıhan, Ahmet Baıtursynuly, Álimhan Ermekulynyń qurmetine eskertkish ashyldy, – dep habarlaıdy Qamshy.kz aqparat agenttigi. Bul týraly Eldos Toqtarbaı atty feısbýk qoldanýshysy jazdy.

"Búgin Alash ıdeıasynyń altyn besigi – Qarqaraly qalasynda "Alash arystary" eskertkishi ashyldy. Álıhan Bókeıhan, Ahmet Baıtursynuly, Álimhan Ermekuly atalarymyzdyń qurmetine. Qutty bolsyn!

Qýan, qazaq! Shattan, Alash! Óshkeniń janyp, eldigiń tuǵyryna shyǵyp, ólgeniń tirilgen kún eken! Qarqaraly aýdanynyń ákimine, eskertkishti ornatqan qaharmandarǵa myń alǵys!

PS: Shirkin-aı, Jetisýdyń qaq ortasynda Barlybek Syrttanuly, Muhamedjan Tynyshbaıuly, Sadyq Amanjoluly, Ybyraıym Jaınaquly, Bilál Súleıuly, Bazarbaı Mámetuly syndy jetisýlyq Alash arystaryna osyndaı eńseli eskertkish qoıylsa, jaqsy bolar edi..."  – deıdi ol.

Eskertkish avtorlary – jergilikti sýretshi Sáken Dáýletbaev, músinshiler Talǵat Baıorazov pen Kenjebek Qoshantaev. Músinniń  bıiktigi 3,15 metr, salmaǵy 2 tonna.