Ol sheteldik jumysshylar nópirin zańdyq turǵyda retteý usynysyn bildirdi.

"Halyqtyń jumysy bolyp, alatyn jalaqysy iship-jemine, kıinýine, em alýyna jetse, odan artyq kóp nárseni suramaıdy. Bizde shetelden keletin jumysshylar máselesi osy jaǵdaıdy órshitip tur. Bir ǵana Teńizshevroıl kompanıasyn alaıyqshy. Onda 50 myń jumysshy isteıdi. Onyń 10 myńy sheteldik. Olardyń bári joǵary synypty bilikti maman emes. Aralarynda kran aıdaýshy sıaqty qarapaıym qyzmetkerler kóp. Solardy qysqartyp, nege óz azamattarymyzda almasqa. Osy turǵyda sheteldik jumysshylarǵa beriletin kvotany qaıta qaraý qajettigi týyp otyr. Bul oraıda zańdyq ózgerister qajet", – dedi ol.

Sondaı-aq keńes múshesi zeınet jasyna baılanysty pikir bildirdi.

"Búginde Qazaqstan aıaqqa turǵan, damý jolyna túsken memleket. Zeınet jasyn alty aı saıyn ulǵaıtpaı, kerisinshe azaıtýǵa tolyqtaı múmkindik bar. Sondyqtan zerttep, zerdeleı otyryp, zeınet jasyn áıelder úshin 55 jas, erler úshin 60 jas etý bastamasyn kóteremiz", – dedi keńes múshesi.