Almatyda bastalyp, tez aıaqtalǵan "Aqıqat" JSDP partıasynyń 15-sezinde osy ýaqytqa deıin tóraǵa bolyp kelgen Ermurat Bapı qyzmetinen ketti. Ermurat Bapı kópshiliktiń qalaýymen partıadan shyǵaryldy.

Sonymen Bapıdyń partıanyń tóraǵalyǵynan ketýine ne  sebep boldy?

Birinshiden oǵan senimsizdik bildirildi.

Ekinshiden, onyń bir top belsendilermen Parıjge baryp kelgeni kóp adamǵa unaǵan joq.

Úshinshiden, ol Parıjde Ákejan Qajygeldın, Bergeı Rysqalımen partıanyń ruqsatynsyz kezdesken.

Osy jáne taǵy basqa sebepterge baılanysty Ermurat Bapı tóraǵalyqtan ketti.

Jalpy búgingi jıyn barysynda ańǵarylǵany, partıa ishinde alaýyzdyqtyń bary da baıqalǵan. Birqatar adamdar Ermurat Bapıdy qoldaǵan kórinedi.

«Azattyq» radıosy tilshisiniń habarlaýynsha, «Eldegi jalǵyz opozısıalyq partıany jerledińizder" dep Ermurat Bapı otyrys bitpeı jatyp, zaldan shyǵyp ketken.

Sonymen 26 sáýirden beri Aqıqat JSDP-ǵa basshy bolǵan Ermurat Bapıdyń tóraǵalyǵy bar-joǵy tórt aıǵa ǵana sozylǵanyn aıta keteıik.

Al partıanyń jańa tóraǵasy bolǵan Asqat Rahymjanov buǵan deıin partıanyń Nur-Sultan qalalyq bólimshesine jetekshilik etken kórinedi.