Búgin, erteńgisin "Aqıqat" JSDP partıasynyń 15-sezinde Ermurat Bapı partıa tóraǵalyǵynan alastatylǵany belgili. Máselege baılanysty jýrnalıs tústen keıin jıyn ótkizip, oqıǵanyń mán-jaıyn aıtyp berdi, dep habarlaıdy Qamshy.kz aqparat agenttigi. 

Ermurat Bapıdiń sózinshe, onyń ornynan alynýy kútpegen jerden bolǵan. Tipti keshe keshke partıa músheleri dastarhan basynda bas qosqan. Onda bul jóninde eshqandaı áńgime qozǵalmaǵan.

Ermurat Bapı partıa tóraǵalyǵy úshin talaspaıtynyn, azamattyq kózqarasyn ózi shyǵaratyn "Dat" gazeti arqyly bildire beretinin málimdedi.

Jıynǵa qatysqan qoǵamdyq belsendi Ýálıhan Qaısarovtyń pikirinshe, bul prezıdent ákimshiliginiń áreketi. Olardyń maqsaty – partıany qurtý, joıý. Nemese múddeles úshinshi tarap aralasyp otyrǵan bolýy da ǵajap emes. Onyń artynda olıgarhtar tursa kerek. Onyń aıtýynsha, qalaı bolǵanda da bılikke partıanyń qyzmetin toqtatqany tıimdi.

Jıyn barysynda Ermurat Bapıdi saıası kúres jolynan ketpeýin, bul isti sońyna deıin jetkizýin suraǵandar kóp boldy. Arasynda sóz alǵan jýrnalıs Seıtqazy Mataev partıa músheleriniń bul áreketiniń zańsyz ekenin aıtty.

Bul oımen jınalǵan jurttyń kóbi kelisti. Jıynda alda bolatyn parlament saılaýyna deıin jańa partıa qurý týraly usynystar aıtyldy.