Oǵan sonaý Fransıa, Reseı, Túrkıa, Úndistan, Japonıa, Ázerbaıjan memleketteri men elimizdiń shyǵarmashylyq ıntellıgensıasynyń ókilderi jınaldy. 

 

Konferensıa bastalmas buryn jıylǵan qaýym sońǵy jyldary Shyǵys Qazaqstan oblysynda tabylǵan tarıhı jádigerler usynylǵan kórmeni tamashalady. Kórmedegi eń basty eksponattardyń qatarynda SHQO-ny mekendegen saq dáýirindegi adamdardyń kıim-keshekteri men kúndelikti turmys-tirshilikte qoldanǵan zattary qaıta qalpyna keltirilgen kúıinde qonaqtarǵa usynyldy. 

 

 

Konferensıany oblys ákiminiń orynbasary Ásem Núsipova ashty.

 

– Bizdiń óńirde, 2016 jyldan beri damytý baǵdarlamasy iske asyrylýda. Nátıjesinde belgili ǵalym Z.Samashev pen Á.Tóleýbaevtiń jetekshiligimen 20 myńnan astam qundy artekfakt tabyldy. Osylaısha, oblystaǵy tarıhı-ólketaný murajaıynyń qory tolyqty. Sońǵy tórt jyldyń ishinde júrgizilgen arheologıalyq jumystar barysynda ejelgi mádenıet týraly ǵylymı tanymymyzdy keńeıttik. Búginde Ulan aýdanyndaǵy Aqbaýyr tarıhı kesheninen saqtardyń qonysy tabyldy. Ásirese, bizdiń Shyǵys óńirinde Altaıdy zertteýge zor kóńil bólinip, qazba jumystary júrgizilýde. Z.Samashev, Á.Tóleýbaev syndy otandyq ǵalymdardyń jetekshiligimen Berel, Shilikti, Eleke sazynda júrgizilip jatqan qazba jumystary da nátıjesiz emes. Qazba jumystary kezinde tabylǵan tarıhı jádigerlerge búginde shetel ǵalymdarynyń ózi tańdaı qaǵýda, – dedi Ásem Núsipova.

 

Konferensıaǵa Túrkıanyń Qazaqstandaǵy tótenshe jáne ókiletti elshisi Nevzat Ýıanyk, Koreıanyń Qazaqstandaǵy elshisi Han Man Chýn, Úndistannyń Qazaqstandaǵy elshiliginiń birinshi hatshysy, Svamı Vıvekananda atyndaǵy úndi mádenı ortalyǵynyń dırektory Sandjaı Garg qatysty.

 

 

Konferensıa barysynda Zeınolla Samashev "Qola dáýiri men erte ortaǵasyr kezeńindegi Altaı-Tarbaǵataı" tarıhy týraly baıandama jasady. Budan soń Ábdesh Tóleýbaev Shilikti jazyǵy men Tarbaǵataı taý bókterindegi ejelgi jáne ortaǵasyrdaǵy eskertkishter týraly keńinen baıandady.

 

Konferensıa barysynda Edıtep ýnıversıtetiniń (Stambul, Túrkıa) tarıh bóliminiń jetekshisi, profesor Ahmet Tashaǵyl "Qytaı derekkózderi boıynsha ejelgi túrikterdiń tarıhy" taqyrybynda dáris oqydy. Sonymen qatar Ázerbaıjan Ulttyq ǵylym Akademıasynyń Arheologıa jáne etnografıa ınstıtýtynyń jetekshi ǵylymı qyzmetkeri, tarıh jónindegi fılosofıa doktory Tahıra Shahbazova (Baký, Ázerbaıjan) "Ázerbaıjandaǵy qypshaqtar: toponımderde saqtalǵan tarıh" atty baıandamasyn jasady.