Merekelik keshte qala turǵyndary men qonaqtary úshin "100 jańa esim" jobasynyń jeńimpazy Medet Chotabaev, tanymal opera ánshisi Jupar Ǵabdýllına, QR Eńbek sińirgen ártisi, Memlekettik syılyqtyń laýreaty Shahımardan Ábilov, Rımnen kelgen Sılvá Lı óner kórsetti.
Buǵan deıin Aǵaıyndy Abdýllınder atyndaǵy Shyǵys Qazaqstan óner ýchılıshesiniń stýdentteri arasynda baıqaý ótti. Oǵan qatysýshylar úrmeli aspaptarda, fortepıano men skrıpkada, sondaı-aq vıolonchelde oınap, ózara kim myqtyny anyqtady.
Baıqaýdyń qortyndysy boıynsha Sultan Muhamedqalıev pen Eva Novohatskaıaǵa arnaıy shákirtaqy taǵaıyndaldy.
Esterińizge sala keteıik, buǵan deıin Nur-Sultan, Almaty, Pavlodar, Shymkent qalalarynda da dál osyndaı baıqaý uıymdastyryldy. Jeńimpazdarǵa 10 aı boıy 40 myń teńge kóleminde shákirtaqy tólenip turady.
– Qazaq ónerin álemge pash etip, daryndy jastarǵa qoldaý kórsetý maqsatynda baıqaýdy ótkizdik, – dedi Eýrazıadaǵy ónerdi damytý qorynyń prezıdenti Mıhaıl Kırhgoff.
Pikir qaldyrý