Qazaqstandaǵy bılik partıasy sanalatyn "Nur Otan"  jyl sońyna deıin eldiń ár aımaǵynda bes ret aıtys ótkizbek dep jazady Qamshy.kz aqparat agenttigi. Bul týraly partıa tóraǵasynyń birinshi orynbasary Baýyrjan Baıbek Instagram jelisindegi paraqshasynda jazdy. 

Baıbektiń sózinshe, "Nur Otan" partıasy "jyrshy-termeshilerge, aıtys óneri men ulttyq sport túrlerine udaıy qamqorlyq jasap keledi".

"Elbasy negizin qalap, kóshbasshylyq jasap kele jatqan "Nur Otan" partıasynyń doktrınasynda da qamtylǵan basty qundylyqtarymyzdyń biri – otbasy men dástúr. Onda «qazaq tilin, mádenıet pen dástúrdi damytý bizdiń strategıalyq basymdyǵymyz» ekendigi naqty kórsetilgen. Osyny eskere otyryp, "Nur Otan" partıasy jyrshy-termeshilerge, aıtys óneri men ulttyq sport túrlerine udaıy qamqorlyq jasap keledi", - dedi Baıbek.

 Sonymen qatar Baıbek partıanyń aıtysqa ne sebepti qoldaý kórsetip kele jatqanyn aıtty.

"Ejelden "Bas kespek bolsa da, til kespek joq" dep, han aldynda dat aıtyp, erkin oıǵa erik bergen, barshaǵa birdeı teńdik bergen elmiz. Sondyqtan ultymyzdyń osyndaı ozyq ónerin, izgi dástúrlerin jalǵastyrý bizdi kemeldendire túsedi. Osyǵan oraı partıa Tóraǵasynyń bastamasymen qaıta jańǵyrýǵa kirisip, ekinshi tynysy ashylyp otyrǵan saıası uıymymyz aıtysqa aıryqsha nazar aýdaryp otyr. Osy maqsatta biz partıa qoldaýymen jyl boıy jer-jerde alaman aıtystar uıymdastyrýdy qolǵa aldyq. Bıyldyń ózinde jyl sońyna deıin bes aıtys ótkizemiz. Barshańyzdy alda ótetin osynaý arqaly aqyndardyń sóz saıysyna kelip, óreli ónerimizdi tamashalaýǵa shaqyramyn", - dedi Baıbek. 

 

 

 

Posmotret etý pýblıkasıý v Instagram

 

 

Aıtys súıer qaýymǵa jarıalar súıinshi habarymyz bar. Taıaý kúnderde «Nur Otan» partıasynyń qoldaýymen Altaı men Atyraý, Alataý men Arqa arasyn dúbirli dýmanǵa bóleıtin Aıtys alamany bastalady. Bul aıtys dese arqasy qozyp, rýhy asqaqtaıtyn qazaq úshin orny bólek mereke. ⠀ Sondyqtan da Táýelsizdiktiń alǵashqy sátinen-aq Elbasy ultymyzdyń uly murasyn, ozyq dástúrleri men mádenı qazynasyn túgendeýge, olardy zamanǵa saı túletip, jańǵyrtýǵa erekshe den qoıdy. Halyq óneriniń órkendeýine jaǵdaı jasap, daryndy jandarǵa jol ashty. Elbasynyń tikeleı bastamasymen iske asyrylǵan «Mádenı mura» jobasynda, «Bolashaqqa baǵdar: rýhanı jańǵyrý», «Uly Dalanyń jeti qyry» baǵdarlamalyq maqalalarynda da ulttyq rýhanı muramyzdy, qundy jádigerlerimizdi, sporttyq oıyndarymyz ben óner saıystaryn túgendep, damytýǵa erekshe mán berilgen. Elbasy negizin qalap, kóshbasshylyq jasap kele jatqan «Nur Otan» partıasynyń doktrınasynda da qamtylǵan basty qundylyqtarymyzdyń biri – otbasy men dástúr. Onda «qazaq tilin, mádenıet pen dástúrdi damytý bizdiń strategıalyq basymdyǵymyz» ekendigi naqty kórsetilgen. ⠀ Osyny eskere otyryp, «Nur Otan» partıasy jyrshy-termeshilerge, aıtys óneri men ulttyq sport túrlerine udaıy qamqorlyq jasap keledi. ⠀ Ejelden «Bas kespek bolsa da, til kespek joq» dep, han aldynda dat aıtyp, erkin oıǵa erik bergen, barshaǵa birdeı teńdik bergen elmiz. Sondyqtan ultymyzdyń osyndaı ozyq ónerin, izgi dástúrlerin jalǵastyrý bizdi kemeldendire túsedi. Osyǵan oraı partıa Tóraǵasynyń bastamasymen qaıta jańǵyrýǵa kirisip, ekinshi tynysy ashylyp otyrǵan saıası uıymymyz aıtysqa aıryqsha nazar aýdaryp otyr. ⠀ Osy maqsatta biz partıa qoldaýymen jyl boıy jer-jerde alaman aıtystar uıymdastyrýdy qolǵa aldyq. Bıyldyń ózinde jyl sońyna deıin bes aıtys ótkizemiz. Barshańyzdy alda ótetin osynaý arqaly aqyndardyń sóz saıysyna kelip, óreli ónerimizdi tamashalaýǵa shaqyramyn.

Pýblıkasıa ot Baýyrjan Baıbek (@baibekbk) 6 Sen 2019 v 5:14 PDT

Bıliktegi "Nur Otan" partıasy 1999 jyly sol kezedegi Qazaqstan prezıdenti Nursultan Nazarbaevtyń bastamasymen "Otan" degen atpen quryldy. 2006 jyldyń jeltoqsanynan basap "Otan" partıasy "Nur Otan" dep ataldy. Partıany qurylǵan kúnnen bastap Qazaqstandy 30 jylǵa jýyq úzdiksiz bılegen Nursultan Nazarbaev basqarady.