Almaty ákimi Baqytjan Saǵyntaev almatylyqtardy mazalaǵan biraz máseleniń qalaı sheshiletinin aıtty dep jazady Qamshy.kz aqparat agenttigi.
Bul týraly qala ákimi jeke paraqshasynda jazyp ótti.
"Qalanyń birneshe «osal» aımaqtarynda boldym. Bul jerler almatylyqtarmen bolǵan kezdesýlerde aıtylǵan edi.
Baým baǵy abattandyrýdy qajet etedi. Biregeı saıabaq aımaǵynyń ekologıalyq balansyn buzbaıtyn tabıǵı materıaldardy paıdalaný jónindegi sarapshylardyń pikirin eskerý qajet. «Almaty» GTS-2-den shyǵatyn gaz ıisine qatysty shaǵymdar.
«QazTransGaz Aımaq» kompanıasy syıymdylyqtardy odorantpen toltyrý kezinde tógiletin gazdy tazalaýǵa arnalǵan qosymsha súzgiler ornatty. «GTS-2 qýatyn Almaty qalasynan tys jerge shyǵarý» jobasy aıasynda «QazTransGaz» AQ-men «Qaırat» stansasynda jalǵastyrýshy gaz qubyryn salý máselesi pysyqtalýda. Osylaısha GTS-2 gaz taratý pýnktine aýystyrylady. Bul rette odorızasıa júıesi qaladan tys jerge shyǵarylady.
Úlken Almaty kanalyna sý jiberý úshin munda aǵymdaǵy jóndeý jumystaryn júrgizemiz. Sonymen qatar, turǵyndardyń ótinishi boıynsha «Dorojnık» yqshamaýdanyndaǵy Esentaı ózeniniń boıynda saıabaq aımaǵyn qurý múmkindigin qarastyramyz" delingen jazbada.
Posmotret etý pýblıkasıý v Instagram
Pikir qaldyrý