Qytaıda kúshi 5,4 baldyq jer silkinisi boldy dep habarlaıdy Qamshy.kz aqparat agenttigi tengrinews.kz saıtyna silteme jasap.

Aqparatqa sáıkes, tabıǵı apattyń oshaǵy Sychýan provınsıasyndaǵy Neıszán qalasynan 1 shaqyrym jerden ótip, kindigi 10 shaqyrym tereńdikte tirkeldi. 

Zilzal saldarynan bir adam qaza tapty. Sondaı-aq, 29 adam jaralanǵan.

Keıin Sychýan provınsıasynyń ońtústik-batysynda magnıtýdasy 4,3 taǵy bir jer silkinisi tirkeldi.

Qytaı seısmologıalyq ortalyǵynyń málimetinshe, zilzala oshaǵy Veıýan ýeziniń Neıszán qalasynan 20 shaqyrym jerde bolǵan. Jer silkinisi jergilikti ýaqytpen saǵat 10:36-da tirkelgen. Ol 7 shaqyrym tereńdikte bastalǵan. Ol 16 mıllıon turǵyny bar Chendý qalasynan 140 shaqyrym, 31 mıllıon turǵyny bar Chýnsın qalasynan 200 shaqyrym jerde boldy.

Sınhýa agenttiginiń habarlaýynsha, Veıýan ýezinde buǵan deıin bir qýatty jer silkinisi bolǵan. Alǵashqy jer dúmpýiniń magnıtýdasy 5,4 boldy, ol tańǵy saǵat 06:42-de tirkeldi.