QR Bilim jáne ǵylym mınıstri Asqat Aımaǵambetov májiliste muǵalimniń mártebesi týraly zańdy tanystyrdy dep jazady Qamshy.kz aqparat agenttigi sputniknews.kz-ke súıene otyryp.

Zań jobasynda ustazdardyń qoıǵan talaptarynyń ishinde zeınetke erte shyǵý, eki eselengen kólemde saýyqtyrý járdemaqysyn tóleý, pedagogtarǵa arnalǵan jeńildetilgen ıpoteka syndy tustary búdjet múmkindigine baılanysty múddeli memlekettik organdar maquldamaǵan. 

Asqat Aımaǵambetov: "Zeınetaqy shotynda belgili bir jınaǵy bar azamattar úshin zeınetke erte shyǵý múmkindigi qarastyrylǵanyn bilesizder. Al muǵalimderge qatysty aıtar bolsam, bireýleri 20 jyldan keıin, endi biri 35 jyldan keıin zeınetke shyǵarý kerek deıdi. Bir-birine qarama-qaıshy pikirler aıtylýda. Qazirgi zań jobasynda mundaı norma qarastyrylmaǵan", - dep túsindirdi. 

Zań jobasy muǵalimder úshin balabaqshadan birinshi kezekte oryn berý máselesin, "Qazaqstannyń eńbek sińirgen ustazy" memlekettik marapatynyń jańa túrin engizý syndy usynystary maquldandy. Áskerı qyzmetke shaqyrýdy keıinge qaldyrý, aýyldyq jerde jumys isteıtin muǵalimderdiń eńbekaqysyn arttyrý, "Úzdik pedagog", "Joǵarǵy oqý ornynyń úzdik oqytýshysy" granttary sıaqty qoldanystaǵy barlyq áleýmettik kepildikter qoldaý tapty.