Delegasıa quramynda QR Premer-Mınıstriniń orynbasary Berdibek Saparbaev, Eńbek jáne halyqty áleýmettik qorǵaý mınıstri Birjan Nurymbetov, Mádenıet jáne sport mınıstri Aqtoty Raımqulova, Densaýlyq saqtaý vıse-mınıstri Kamaljan Nadyrov, Bilim jáne ǵylym vıse-mınıstri Sholpan Karınova bar jumys toby Shyǵys Qazaqstanǵa arnaıy is-saparmen keldi.
Mundaǵy basty maqsat – «Cyndarly qoǵamdyq dıalog – Qazaqstannyń turaqtylyǵy men órkendeýiniń negizi» QR Prezıdenti Joldaýynyń negizin halyqqa túsindirý. Eki kúnniń ishinde, búgin, 20 qyrkúıek pen erteń, 21 qyrkúıek kúnderi Berdibek Saparbaev mınıstrlermen birge shyǵysqazaqtandyq jurtshylyqpen, kásiporyndardyń jumysshylarymen, uıymdarmen, shaǵyn jáne orta bıznes ókilderimen, kópbalaly analarmen kezdesýler ótkizedi.
İs-sapar barysynda Semeı qalasyndaǵy Jedel medısınalyq járdem aýrýhanasyndaǵy gıbrıdti hırýrgıalyq operasıalarǵa arnalǵan bloktyń jumysymen tanysady. Elektrotehnıkalyq kolejge, Abaı aýdanyndaǵy Keńgirbaı bı men Qaraýyl aýyldarynda ornalasqan aýrýhanalarǵa barady. Sondaı-aq Abaı Qunanbaevtyń 175 jyldyq mereıtoıyna arnalǵan is sharalar legin talqylaıdy. Budan bólek Altaı qalasyndaǵy aýrýhanaǵa, robotty hırýrgıa ortalyǵyna, Óskemende salynyp jatqan 200 oryndyq balalar aýrýhanasyna, sondaı-aq oblys ortalyǵyndaǵy №46 mektepke at basyn tireıtin bolady.
Pikir qaldyrý