Almatyda 3 qazan kúni saǵat 12.55-te josparly jalpyqalalyq seısmojattyǵý ótedi dep jazady Qamshy.kz aqparat agenttigi ákimdiktiń baspasóz qyzmetiniń deregine súıenip. 

Jattyǵý úsh kezeń boıynsha uıymdastyrylady. 

Birinshi kezeń – Elektrosırenderdi qosý arqyly halyq «Barlyǵyńyzdyń nazarlaryńyzǵa!» biryńǵaı dabyl boıynsha habardar etiledi jáne telearnalar men radıohabarlar avtomatty túrde óshiriledi.

Ekinshi kezeń - praktıkalyq oqý Alataý aýdanyndaǵy № 180 orta mekteptiń aýmaǵynda ótedi. Munda qutqarýshylardyń is-qımyly kórsetiledi, úıretý trenıńteri ótedi.

Mektepterde, aýrýhanalar men emhanalarda shartty túrde zardap shekkenderdi qabyldaıtyn pýnktter ashylady. Jalpyqalalyq seısmojattyǵý jyl saıyn halyqty jer silkingen kezde jasaıtyn is-qımyldarǵa daıyndaý maqsatynda ótedi. QR BǴM-niń seısmologıa Instıtýtynyń uzaq merzimdi boljaýy boıynsha qala aýmaǵynda 7 jáne odan joǵary baldaǵy ıntensıvti jer silkinisi bolmaıdy.