Ǵ.Músirepov atyndaǵy qazaq memlekettik akademıalyq balalar men jasósirimder teatrynyń 74 maýsymy ashyldy. Qyzyqqa toly maýsymasharǵa Qazaqstannyń eńbek sińirgen qaıratkerleri, prodúserler, estrada juldyzdary  men teatrdyń ártisteri jáne teatrdyń arnaıy shaqyrǵan qurmetti qonaqtary qatysty.

 Teatr maýsymynyń shymyldyǵy aǵylshyn dramatýrgi Reı Kýnıdiń "№13" qoıylymynyń tusaýkeserimen ashyldy. Otqa maı quıǵandaı lezde tutanǵan oqıǵa shıelenisteri kórermendi birde kúlkige qaryq qylsa, endi birinde qalyń oıǵa shomyldyrdy. Qoıylymda Rıchart rólin somdaǵan Maqsat Sábıtovtyń akterlik sheberligi kópshilikti tánti etti. Al kúlki men shytyrman oqıǵaǵa toly spektákldi óner ujymynyń ondaǵan ártisi somdap shyqty.

 Ǵabıt Músirepov teatrynyń dırektory Azamat Satybaldy: «Maýsym boıy jat kúlkimen ǵumyr keshsek degen nıette maýsymnyń ashylýyn "№13" komedıa qoıylymynan bastaǵandy jón kórdik» - dedi.

 Álemdik deńgeıdegi aǵylshyn jazýshynyń shyǵarmasy qazaq tilinde aýdarylsa da, bizdiń eldiń mentalıtinde saı qamtylýy kerek. Qoıylym barysynda tósek taqyryby tym anaıy kórsetilgeni kóńilge kúpti boldy.Rıchard jáne Ronnıdiń sózderindegi «Múshege» qatysty sózderden qulaq tundy. Daıashynyń da keı qylyqtary kózge ersi kórindi.

Músirepov teatrynyń baǵyty – balalar men jasósirimderge arnalǵanyn shyǵaramany aýdarý barysynda Erkin Jýasbek pen qoıylym qoıýshy-rejısseri Erjan Qaýlanov eskerse ıgi edi.