Dáýren Abaev Qazaq kuresi ulttyq federasıasynyń prezıdenti bolyp saılandy dep jazady Qamshy.kz aqparat agenttigi.  

Búgin QR Prezıdenti janyndaǵy Ortalyq komýnıkasıalar qyzmetinde ótken qazaq kúresi federasıasynyń jyldyq esep berý konferensıasynda Qazaq kúresi federasıasynyń prezıdenti Arman Shoraev tizgindi aqparat jáne qoǵamdyq damý mınıstri Dáýren Abaevqa usynatynyn habarlady.  

«Búgin meniń Qazaq kuresi federasıasyna basshy bolyp kelgenime 6 jyl tolyp otyr. Bizdiń kezekti esep berý konferensıamyzda Dáýren Áskerbekuly Abaev Qazaq kuresi Ulttyq federasıasynyń prezıdenti bolyp saılandy. Dáýren Abaev aqparat jáne qoǵamdyq damý mınıstri bola otyryp, al oǵan deıin Elbasy baspasóz qyzmetinde jumys isteı júrip bizdiń jobalarymyzdy iske asyrýǵa kóp kómegi tıgen», - dedi federasıanyń burynǵy basshysy Arman Shoraev ortalyq komýnıkasıalar qyzmetinde ótken baspasóz máslıhatynda.

Ol jańa basshynyń qolastynda Qazaq kuresi ulttyq federasıasy órkendeı beretinine senim bildirdi.