Orta salmaqtaǵy IBF jáne IBO tujyrymdary boıynsha álem chempıony Gennadıı Golovkınniń jattyqtyrýshysy Djonaton Benks shákirtiniń Sergeıa Derevánchenkoǵa qarsy ótkizgen jekpe-jegin taldap berdi, dep jazady Qamshy.kz aqparat agenttigi. 

Sports.kz portalynyń jazýynsha, Benks Gennadııdiń sharshy alańdaǵy áreketine kóńili tolmaǵanyn moıyndaǵan.

"Bul – meniń kinám. Men onyń sanasyna buǵan ómir men ólimniń máselesi sıaqty qaraýyn jetkizýim kerek edi. Oǵan ne zeınetke ketý kerek nemese josparǵa saı áreket etý kerek. Ony isteı almasa, men jigitterimniń soqqy alyp jatqanyn kórgim kelmeıdi. Men olardyń budan da qabiletti ekenin bilem. Bul úshin kináni men ózime alamyn.

Men Derevánchenko qıyn "klıent" ekenin, keshtiń uzaq bolatynyn aıttym. Basynda Gennadııdiń shıraq qımyldap, oıynǵa óziniń ıelik etkenin qaladym. Gennadıı bolsa, uzaq jyldan beri qalyptasqan úırenshikti stılinde bokstasty. Ony soqqylardan qashýǵa úıretý qıyn. Ony úıretý qolymnan keletinine senimdimin, biraq ońaı bolmaıdy. Dıvızıondaǵy barlyq chempıondar Gennadııden jas. Eger osy jastarmen qalǵyń kelse, ózińe tıistini jasaýyń kerek.

Ár raýnd saıyn "sen tym sheginip jatyrsyń" dep aıttym. Eger Golovkın zalda jasaǵan nárselerdi júzege asyrǵanda, ol kóbirek soqqy jumsar edi" dedi Benks.