Almaty qalasynda Ekonomıkalyq tergeý departamentteriniń mamandary jedel-izdestirý sharalaryn júrgizdi. Onyń nátıjesinde 500 jáne 5000 teńgelik jalǵan kýpúra jasap kelgen úsh adam ustalǵan dep habarlaıdy Qamshy.kz aqparat agenttigi Almaty qalasynyń Ekonomıkalyq tergeý departamentiniń baspasóz qyzmetine silteme jasap. 

Tergeý jumystarynyń barysynda buryn sottalǵan azamattar arnaıy kelisim arqyly jasyryn sehta QR Ulttyq bankiniń jalǵan banknotalaryn jasaǵan. 

Qylmystyq toptyń mekenjaıy boıynsha noýtbýk, túrli-tústi prınter, eritkishter, últrakúlgin lampa, lamınator, sý belgileriniń ornyn aýystyrýǵa arnalǵan qurylǵy, boıaýlar, eki jaǵynda nomınaly 500 jáne 5000 teńgelik banknottardyń sýretteri (blankileri) bar flesh-kartalar jáne 308 myń teńge bolatyn jalǵan aqsha tárkilengen.  Osyǵan baılanysty  Qylmystyq kodeksiniń 231-babynyń 2-bóligi boıynsha sotqa deıingi tergeý jumystary júrip, qylmystyq is sotqa berildi.